صحيفة السوسنة الأردنية

واليوم صرنا نسمع انه البنت بتدور على الامان مش لاقيته لا عند ابوها ولا اخوها ولا عند اقرب انسان ! حال الدنيا اتغير وانقلب يا رحمن !!

بنسمع انه ورد فقد الامان بين اهله وناسه وحتى الجيران ..ليش يا بشر اتغير الزمن ؟ والله الزمن ما بتغير احنا الي بنغير الزمن والمعاني والامان !

الحنين اخذني لايام زمان ..لما كنت صغير العب مع اولاد الجيران وكنت امتلك قوة الف رجل وعقل الف جندي والف انسان ويحرسني كل الجيران ..وكنت احجز مقعدي على مائدة الاكل مع عيلة خالتي ام محمد واتنطط عند جدتي" حاجه" رحمة الله عليها ام عبدالله ام الحي والاطفال .

كان البيت ايام زمان غرفة واحدة وحوش ولا كهرباء ولاماء تصل لكل مكان .. وكان صوت بابور الكاز يشعل نيران وسقف البيت مليان قصيب وخيزران ..وراديو جدتي "حاجه" مكسور لكنه يصدح بصوت القرآن .. صحيح البيت من طين وقصيب ..لكن الحب قوى البنيان وخلق الامان .

ورد الطفل البرئ خرج من البيت وحلم في المنام بفقدان الامان ..ضحكت امه وقالت يا بني احنا في بلد الامان .. احنا بين اهلك وناسك وجيرانك الي تربو على الحنان .

ليش اتغيرت المعاني وتغيرت الاحاسيس .. مش الناس لسى هم الناس .. والجيران ا هم الجيران .. ليه بتتغير الناس ونسيت معاني النخوة والشهامة والحنان

يا ريت ما شفنا الستلايت ولا الانترنت ولا الموبايلات ..ولا سمعنا عن رضيع مرمي على حافة الطريق ولا شفنا حالة انتحار ولا شاب يستغل بنت ويفضحها على البلوتوث بين الخلق والجيران .

اة يا بيتنا القديم ... حنيني الك فوق الخيال .. فانت اروع تكنولوجيا كنا انام براحه وبامان.. سامحوني المسامح كريم .

baniirshaid@gmail.com