صحيفة السوسنة الأردنية

=====

حطوا على باب الوطن حارس
يحمي الوطن،
يحمي البيادر والشجر،
يحمي الكُرُم واللوز...
يحمي الأرض،
يحميالعرض،
يحمي الورد والشوك...
يحمي الأغاني والأماني ،
والصبايا والشباب،
يحمي الفجر،
يحمي البلد يمسك حراميها
***
حطوا على باب الوطن حارس
يزرع شجر بالطور،
يزرع قمح بأرض البلد...
يزرع ورد،
يزرع أمل،
لمّا المطر يروي أراضيها
***
حطوا على باب الوطن حارس
يصلّي الفجر حاضر،،
ويسري ع الندا بكيّر
يتفقد اولاد البلد،
ويتفقد روابيها

***
حطوا على باب الوطن
حارس أمين،،
معروف عنُّو بالوفا
إيدو نظيفة ما سرقْ
قابض على جوعه صبر،،
نفسهُ عزيزة هالبطل،
حالف يمين وما يوكل حرام
***
حطوا على باب الوطن حارس
محروق قلبه عَ البلد،
حارس قوي ومهيوب،
لنِقَال الله يا وطن،
يتشردوا كل الحراميّة