قلبي ينضح شوق وعتب
وزعل مجبول بدم الطفولة وغضب
هول المجازر نساني زمرة دمي
ونساني كل اللي قالوا احنا عرب
انا حلب
ام الشعر والنشر وام الكتب
وام الثنايا ارهاف وام الجدايل شهب
واليوم على ترابي
على صدري
على قلبي نزل الغضب
جبار مايرحم بسمته نار وضحكته لهب
نهاري ليل والعين تبكي دخنه وسحب
شلال النار من سما ربي للارض تسكب سكب
ورحى المنايا تطحن
ومخالب الموت تشلع القلب
انا حلب
مهرة من خيل اهلكم معنقيه
انا اختكم
الموت عندي ولا الدنية
انا اختكم لاتتركوني...ماني زنية
انا من الطهر اطهر
انا من الخنا برية
وين اضعونكم ياعرب
واحسرتي ماعاد على الخيل راكب
عدوي مابثمه مر
استباح البيت وماعاد لي عنده خطية
سرقني هادر اللذات من شيخ الخفر
بليلة عتمه مابها ضو القمر
قنديل البخت كان طافي
ونجوم السما بلعها البحر
وحراس الحي دلق سعدهم
وراعي البيت ثملان من الخمر
صرت اشوف كلاب بسحنة بشر
منهم عرب بلحية وشنب
ومنهم غجر
بطبل ووتر
ومنهم فرس ومنهم تتر
تمشي على زندي
تنهش بصدري
تنزع بكبدي وتطعن بالظهر
ومنهم خنافس
الهم وجه المومس والشعر
ومنهم الوصف عنه عاجز
ما يعرف طفلة ولا شيخ عاجز
يطعن خواصري والقلب
انفاسي بريحة الموت
واطفال بعمر الورد صلتهم النارمثل الحطب
مافي لحد ولا قبر
ولا جثه
ولا ثكلى عندها تبكي
ولا بشر
تخالط الدم بتراب الارض وانتثر
حتى العويل
وصوت المؤذن والجامع
وطبيب الحي كله اندثر
مافي الا صوت الحزن
وهفيف الهوى على غصن غافي غدا خشب
وموال الاسى ينعى للدنيا نكبة حلب
انا حلب
بداية الحكاية
واول رواية
نصها ابخفر العين مدفون
وشرارة غضب يمكن تحرق الكون
غاصبي مجنون
يقتل
يحرق
يصلب
يذبح
ينحر
يشنق
يسلب ينهب
ويتفنن بيا فنون
ماشفت من قال لرموشك ياحلب
الدنيا خرسا
والكل مشغول بحفلات الطرب
لاتصريح
ولا تلميح لمونكي مون
هذا الاكلح الامرد الملعون
ولا صوتي علي على منابر العرب
انا حلب
بيدي كنت امسح دموعكم يوم تبكون
برمشي كنت اغطيكم يوم تغفون
وخليت ورد خدي الكم خبز ورطب
عتب
لاشفت دواكم والبلسم ودمي وصل الركب
ومجازر يندى لها الشجر والحجر ياعرب
ماشفت خيلكم وسروجها ورماح الغضب
مالوم الذيب لن تفرد بالشلايا وسلب
ومالوم السافل لن نزل
هل البيت وقتلهم واغتصب
مادام الحامي حرامي
وسلم لي على كل العرب
مقطع مضحك من مسلسل أردني يُثير التفاعل .. فيديو
