صحيفة السوسنة الأردنية

 من شهر وفليح ومرته يرتبوا لمشوار الى اربد تا يشتروا سجادة لدارهم لانه قرّبت الشتويه والبلاط بكون جاموده ...وبيوم شمسه قرروا يطلعوا على اربد وفعلا ثاني يوم سروا بكير على باص اربد وركبوا الاثنين بكرسي واحد وكانوا همّه من اوائل الركاب اللي طلعوا بالباص...وقعدوا يستنوا هالباص تايمشي لكن السايق ما مشى الا تا اتعبّت كل الكراسي ..والباص قاعد بيستعدّ تا يمشي واذا بطالبه جامعه طلعت بالباص وكانت كل الكراسي مليانه ...وفجأة دقت فليح الشهامه والنخوة وقام من كرسيه ووقف وقعّد البنت مكانه بحدّ مرته ...انبسطت البنت كثير اللي بعد ناس لهسّه بحترم الانثى وبتقعّدها مكانه .....