صحيفة السوسنة الأردنية

​اللي بتبع الشأن العام ببلدنا، العظيم بإسلامه وبقيادته الهاشمية الأصيلة، بدمع قلبه وهو بشوف التطاول والتطاول الممنهج على مقام النبوة وديننا الحنيف. كل فترة وبثانية بيطلع علينا واحد من هالمدعين اللي يدوروا على الشهرة والـ «تأثير» على حساب عقيدتنا، بإساءات ما يقبلها لا دين ولا عقل ولا أخلاق.
​هالحكي والتخبيص اللي بنسمعه كل يوم على المنصات والشاشات، وإطلاق عبارات واطية ومسيئة بحق سيدنا وحبيبنا النبي المصطفى صلى الله عليه وسلم، واستخدام كلام شوارعي لا يليق بأدنى درجات الأدب مع سيد الخلق—من تأليف قصص مكذوبة، ورمي أوصاف بتمس قدر النبوة الشريف—هذا كله ما كفاه! بل وصل فيهم الجهل يتباهوا على الشاشات وهُمّ حتى أصول الطهارة وبدايات أحكام الاستنجاء الوضوء المشترطة للصلوات ما بيعرفوها ولا بطبقوها! من متى اللي ما بيميز الفرض من السنة، وما بعرف أصول الطهارة والبُعد عن النجاسة، ييجي ينظر ويعطي مواعظ على أسياده وسيد الخلق؟
​وهون لازم نسأل ونحكيها بالمشرشحي:
لو هالحكي وهالمسبة انحكت بحق مسؤول أو وزير، كان انترك القائل هيك يسرح ويمرح؟ أليست القوانين والجهات بتتحرك بلمح البصر تحت اسم «قدح مقامات عليا»؟ طب بالله عليكم، في مقام بهذه الدنيا كلها أعلى وأجلّ من مقام سيدنا رسول الله؟ وأي خط أحمر أكبر من حرمة النبوة ببلد هاشمي مسلّم؟
​شوفوا الدول اللي حوالينا كيف بتمسك كل واحد بيتجرأ على مقام النبوة أو آل البيت، وبتحاسبه بالقانون وبتحطه عند حده، ليش عنا بعض هالتافهين متروكين يعيثوا بكرامة ومقدسات الأمة تحت مسميات وهامية؟
​كل هالمهزل والسقطات عم بتصير وإحنا على أبواب شهر المولد النبوي الشريف؛ الشهر اللي بيفرح فيه الصغير والكبير ونتذكر فيه أخلاق النبي العظيمة. وبدل ما نقتدي بهديه، بيطلعوا هالمدعين بخدشوا هيبة هالمقام الشريف بكلامهم المسموم.
​السكوت عن هالمهزلة ما عاد ينفع بالمرة، والمحاسبة القانونية وإلجام هالألسنة صار مطلب شعبي وديني وأخلاقي عاجل. مقام النبوة خط أحمر لا يمكن تجاوزه، وعلى الجهات المختصة تحرك وتطبق القانون وتضع حد رادع لكل واحد بتجرأ على سيد البشرية.
​حفظ الله الأردن والهاشميين.