صحيفة السوسنة الأردنية

​بهالوطن اللي ممتد بين كبرياء التاريخ ووفاء رجاله، بتشوف العجب! ومش العجب بقسوة الظروف ولا ضيق الحال، لا والله... العجب بنبل هالمؤسسات وسمو أخلاقها. بتخوض معترك الحياة، وكل يوم بتطلعلك على شاشات الهواتف أصوات ناس محسوبين على "المعارضة"، نازلين طخ لفظي وتنظير على سياسة الأردن ومؤسساته. طول اليوم بينتقدوا النهج وببخوا سمّهم على كل إنجاز، لحد ما يتهيأ للي بيسمعهم إن هالبلد خلاص مفيش فيها خير!
​بس الواقع والميدان همّ القول الفصل، والشهادة الحقيقية بتولد من قلب التجربة.
​بمراجعتي الأخيرة لإحدى مستشفيات القوات المسلحة الأردنية — هالقلعة العريقة اللي بتنبض عز وكبرياء — وأنا بداخل عيادة كبار الضباط، كنت بقعد وبراقب الانضباط والنظام اللي بيرفع الراس. وفجأة، بتصير المفاجأة اللي بتخلي العقل يصفن والوجدان يصحي: يدخل ويقعد بنفس العيادة واحد من هدول اللي ماليين الفضاء ضجيج وطخ على الدولة ومؤسساتها!
​هون بتبين الحقيقة عريانة بدون مكياج ولا رتوش: زلمة بيهاجم الدولة بالنهار، ولما يتوجع ويريد صحته ورعايته، بيمشي تحت ظل أمنها ويحتتمي بمؤسساتها العسكرية والطبية!
​واللي أعظم من هيك كله، كيف المكان والأجهزة تعاملت معه؛ والله ما شفت من نشامى الكادر الطبي والممرضين إلا أبهى صور الإنسانية والنبل والمهنية العالية. ولا حدطلع على مواقفه السياسية، ولا حد سأله عن لسانه الحاد، بل قاموا بواجبهم وزيادة، بكل احترام وتكتكة وكفاءة بترفع إلها القبعات وتكبر إلها القلوب إجلالاً.
​وما خلصت المفارقة هون؛ قدر الله وأني أجلس جنبه، فدار بيناتنا حديث سريع، ولما عرف إني بكتب، سألني بنوع من الفضول: "بشو بتكتب؟"
رديت عليه بكل وضوح وثبات بيهز الجبال: "أنا بكتب بوجه الوطن، وبدافع عن ترابه ومؤسساته ضد كل حاقد وحاسد!"
​بهذيك اللحظة، شفت بعيونة الانزعاج وعدم الإعجاب من منطق الانتماء الصادق، فسكتّ وقطعت الحكي معه احتراماً لنفسي ولهيبة المكان. ولما انتبهوا بعض المراجعين للموقف وما عرفوا مين هو، قلت بصوت واثق للجميع: "نعم، صاحب السعادة غني عن التعريف، بس بيني وبينه اختلاف جذري بمفهوم الولاء!"
​هاد هو الأردن اللي بيعجز كل منتقَد وبيفحم كل مكابر: وطن كبير، بيضم الجميع وبيترفع عن الصغائر، وبيخدم أبناءه — حتى اللي بيبقسوا عليه — بعين الأب وحنان الأم وهيبة العسكر. الخدمات الطبية الملكية ومؤسستنا العسكرية بتثبت كل يوم إنها فوق كل الحسابات والمواقف.
​فما أعظمك يا أردن، وما أكبر هيبتك اللي بتظلل على الكل، حتى على اللي بيأكلوا من خيرك وبيكروا بفضلك!
​حفظ الله الأردن والهاشميين.