صحيفة السوسنة الأردنية

السوسنة – دموعي شوفهم قاعدين ينزلوا شوفهم يا معاذ ارجع احكيلي ما بتهون على دمعتك يا انوار ارجع احكي الي طول وانا معك ما بدي اشوفك منكده بدي اياكي دايما مبسوطة وبتضحكي ارجع يا ضحكة عمري ارجع يا معاذ ارجع.. 

 

معاذ كيف بدي ارجع على بيتنا بدونك معاذ بخاف انام فيه لحالي وانت بتعرف انه انا بخاف من الكلاب وعند بيتنا.

 

 كلمات كتبتها المهندسة انوار الطراونة زوجة شهيد الوطن الغالي معاذ الكساسبة.. تفطر القلب وتهز الوجدان، تقاومها الدموع لكن لا تستطيع، 

 

وفيما يلي نص ما كتبته زوجة الشهيد:

 

معاذ مش متخيلة انه ما رح ترجع تبهدلني لانه ما قرأت قرآن او اتأخرت بالصلاة

معاذ بلشت هسا احس انه حياتي خلص راحت.

 

من اول ما خطبنا يا معاذ وعدتني انه ما رح تخلي دمعة تنزل مني طول وانت معي وين انت هسا يا معاذ عن دموعي شوفهم قاعدين ينزلوا شوفهم يا معاذ ارجع احكيلي ما بتهون على دمعتك يا انوار ارجع احكي الي، طول وانا معك ما بدي اشوفك منكده بدي اياكي دايما مبسوطة وبتضحكي ارجع يا ضحكة عمري ارجع يا معاذ ارجع.

 

يا معاذ ارجع صحيني على الفجر ارجعي احكي الي قولي يا انوار "ما ازكاه" قولي يا انوار "sensitive" عشان تعلق علي لاني بقرط فيهم.

 

معاذ كيف بدي ارجع على بيتنا بدونك معاذ بخاف انام فيه لحالي وانت بتعرف انه انا بخاف من الكلاب وعند بيتنا.. فيه كثير كلاب بخاف منهم يا معاذ ما بقدر اروح عليه بدونك.

 

سمكاتك ماتو يا معاذ ما لقيو حدا يطعميهم وحوض النعنع نشف ومزرعتك يا معاذ ماتو الشجرات الي فيهم.

 

ما بدك ترجع تزبط زامور سيارتك عشان اقدر اسوقها ما بدك ترجع تعلمني على الرجوع وتعصب علي لانه كل ما علمتني عليه بنساه.

 

معاذ يا وجع قلبي الي ما رح يطيب.

 

يا رب صبرني يا رب صبرني يا رب صبرني.

 

"ربنا لا تحملنا ما لا طاقة لنا به"