بالفيديو .. أغنية راب فلسطينية بعنوان مين انت

mainThumb

29-03-2015 09:00 PM

السوسنة - أطلقت فرقة الراب "دام" أغنية جديدة تحت عنوان "مين انت؟"، في إطار عمل مشترك مع صندوق الأمم المتحدة للسكان في رام الله.

وتسلط الأغنية الضوء على مكانة المرأة والأدوار الجندرية في المجتمع الذكوري والتناقض في تعامل المجتمع مع النساء، فهن يقمن تقريباً بكل شيء ويعاملن كأنهن لا شيء.

 

وتبدأ الأغنية بأداء ميساء ضو وهي تقول: "انا العانس العاقر بالثلاثة طالق، ظل راجل ولا ظل حائط، الجلي الكوي انا كل شي انا ولا شي، بس قلي، مين انت؟".

وحول مشاركتها الأولى في أغنية لفرقة "دام"، قالت ميساء ضو: " يسعدني ان أشارك ليس فقط في الجلي والكوي وانما في نشر غسيلنا الوسخ، فالاعتراف بوجود المشكلة هو بداية الحل. الهدف من وراء هذه الأغنية ان نعيد النظر بتعامل نصف المجتمع مع نصفه الآخر، واحترام النساء وحقوقهن في كل مكان في العالم."

 

وتعتبر"دام" أول فرقة هيب هوب فلسطينية وإحدى أوائل فرق الراب العربي، بدأت مشوارها الفني في آواخر التسعينات، بمبادرة تامر نفار وأخوه سهيل نفار ومحمود جريري. وفي عام 2001 صدرت لهم أغنية "مين إرهابي" التي حملها من الانترنت أكثر من مليون شخص. وجعلت من "دام" اسماً تداولا بين جيل الشباب في الشرق الأوسط، حتى أن مجلة الرولينغ ستون الفرنسية، عالمية الشهرة، وزعت الأغنية مجاناً في أحد أعدادها، كما ودخلت هذه الأغنية في العديد من البومات المنوعات العربية والعالمية، إلى جانب أغانٍ أخرى للفرقة.

وسينطلق أعضاء الفرقة في جولة عروض في فرنسا خلال شهر ابريل المقبل، تليها عروض في أوروبا وامريكا. كذلك، يعمل أعضاء الفرقة على اصدار ألبوم جديد بعد النجاح الباهر الذي حققه ألبوم "ندبك عالقمر".

 

كلمات الأغنية:

ميساء ضو - لازمة:

انا العانس العاقر بالتلاتة طالق

ظل راجل ولا ظل حائط

الجلي الكوي انا كلشي انا ولا شي،

بس قلي، مين انت؟

 

انا حكي نسوان في 100 زلام

انا الضعيفة ما بجيب صبيان

الشرف وعار انا كلشي انا ولا شي،

بس قلي، مين انت؟

 

تامر نفار - راب:

عندي ثلاثية أحلام مستغانمي

بقدر اقتبس نوال السعداوي،

بقدر انتقد عقيد الحارة

بضل فيمينيست عايش ع-طبيخ الماما

 

مش عنيف - مش ح-سوي عينيها زرق

بس ك-عريس- بفضل عينيها زرق،

مش محلك تأقرر، مش محلك بس حجرب

مش محلك لو محلك كنت بحرض

 

يا حرية وعدل لكل طرف هينا،

يا بنبلش نقتل شباب على شرف عيلة، احنا عم:

نتحشر فيها بمصر وينضهدها باللد

بنتاجر فيها في امريكا وبنغتصبها بالهند

 

وبنرجعها، تتطعمي الولد وتربي البنت

بنحكي عن سوبر وومان ولا بنحكي عن انس

مش الامرأة الخارقة، انا هو الخارق

خارق قانون، خارق حقوق، وحقها تعارض

 

ميساء ضو - لازمة:

انا العانس العاقر بالتلاتة طالق

ظل راجل ولا ظل حائط

الجلي الكوي انا كلشي انا ولا شي،

بس قلي، مين انت؟

 

انا حكي نسوان في 100 زلام

انا الضعيفة ما بجيب صبيان

الشرف وعار انا كلشي انا ولا شي،

بس قلي، مين انت؟

 

 

محمود جريري:

اول مرة ضربت اختي اهلي زقفولي

وحكولي اني زلمة كبير

اعطوني تضخيم هي اصبحت مسالمة

واقفة قدام كارتية كيد

من اختي، لنساء العالم

بدي كل شي، حالا، فش اشي

بفش غلي وبلبسك بوكسي

وبشتريلك مكياج، عشان تبيني قدام العالم

بدك مساواة، لاقيها عند دار ابوكي

طفشت حكت اكيد بيحموني

 

الدم ولا عمره بصير مي

بس الخلفوها طلعو مثل الخلفوني

 

زقفولي، ورجعولي اياها

حطيتها في حلبة المصارعة وبديت

ارقص معها،

انا شريك حياة بس اغلب الاحيان مجرم، مجرم

 

ميساء ضو - لازمة:

انا العانس العاقر بالتلاتة طالق

ظل راجل ولا ظل حائط

الجلي الكوي انا كلشي انا ولا شي،

بس قلي، مين انت؟

 

انا حكي نسوان في 100 زلام

انا الضعيفة ما بجيب صبيان

الشرف وعار انا كلشي انا ولا شي،

بس قلي، مين انت؟

 

سهيل نفار :

انا كتبت القصائد

انا بنيت المدافع

انا ممكن اني اكرهك

ما اسمح لغيري اني يحبك

مانهك تروحي للشاطئ

لحالي بدي اواجه عواصف

انا فشلت, محتاجك

 

ميساء ضو - لازمة:

انا العانس العاقر بالتلاتة طالق

ظل راجل ولا ظل حائط

الجلي الكوي انا كلشي انا ولا شي،

بس قلي، مين انت؟

 

انا حكي نسوان في 100 زلام

انا الضعيفة ما بجيب صبيان

الشرف وعار انا كلشي انا ولا شي،

بس قلي، مين انت؟



تعليقات القراء

لا يوجد تعليقات


أكتب تعليقا

لا يمكن اضافة تعليق جديد