صحيفة السوسنة الأردنية

السوسنة - نشبت مشادة كلامية بين جنجاه عبدالمنعم، شقيقة الفنانة الراحلة سعاد حسني، والراقصة برديس، صاحبة كليب “ياواد يا تقيل”، حيث هاجمت جنجاه خلال مداخلة هاتفية مع الإعلامي وائل الإبراشي فى برنامج “العاشرة مساءً” المذاع على فضائية “دريم” برديس قائلة “ده مش فن ده جنس مباشر.. وأنا ممكن أسجنك”.

وردت عليها برديس منفعلة “مش هقبل اسمع كلامك ده، أنا وقفت الكليب احترامًا ليكي وأعتذرتلك، ومتقدريش تسجنيني عشان أنا وقفت الكليب بعد عرضه بـ 3 أيام”.

وقالت عبدالمنعم “المفروض ما تتكلميش خالص، ملكيش دعوة بالفنانين الكبار زي سعاد حسنى، مين أنتي عشان تقارني نفسك بسعاد، وانتي اعتذرتي بعد ما عملتي الإسفاف الكبير ده، أنتي ما بتحترميش حد ومش بتحترمي نفسك عشان تحترمي الآخرين”، وأضافت “المصنفات لازم تمنع الحاجات اللي بتحصل دي ده مسخرة وايحاءات مش فن”.