صحيفة السوسنة الأردنية

 

أمل نشرت صورة لها بالحجاب، وكتبت معلقة عليها: «السلام عليكم ازيكوا يا احلى محجبات انا لي الشرف انضم ليكم واكيد عاوزة احيي القيمين على الجروب .اولا انا عاوزة اتكلم عن تجربتي الخاصة طول عمري كنت قريبة من ربنا الحمدلله بس كان عندي صراع كبير جدا اني انا بعمل حاجة غلط بس كان الشيطان دايما بزينلي الحياة وبقولي حتسيبي الفن والشهرة !!وكنت ارجع تاني وانجرف باغرائات الحياة المزيفة والتافهة وبعد فترة يرجعلي الصراع لحد ما جاه يوم عرفة قمت وصليت الفجر وبكيت ودعيت من قلبي».

 

 

وتابعت: «طبعا انا ما دعيتش اني اتحجب لان الموضوع دا كان مرفوض عندي تماما وكنت دايما بتناقش في موضوع الححاب وما كنتش مقتنعة فيه انا طلبت من ربنا بخشوع يا رب اهديني قمت تاني يوم وكنت صايمة ،بالليل وانا بصلي العشا جاتني حالة ما جاتليش قبل كده ولقيت نفسي بجري وجبت ايشارب ولبستو ومن يوميها وانا في قمة السعادة اقسم بالله لو ادوني مال الدنيا ما كنتش فرحت كده والله العظيم اني دي الوقت في قمة السعادة والفخر وحجابي والتزامي هم سر سعادتي وعاوزة اقول لكل وحدة محتارة تتحجب ولا لاء هي مجرد ما فكرت كده يعني عندها الصراع ده وحتلتزم باذن الله».

 

يُذكر أن أمل حجازي اطلقت أنشودة دينية بعنوان «السلام عليك يا سيد الخلق» بالتعاون مع الفنان اللبناني حسام الصعبي، وذلك احتفالاً بالمولد النبوي الشريف.