عمليه تجميل البطيخة

عمليه تجميل البطيخة
الكاتب : محمد المهيرات
معنا اتصال تفضل انت على الهوا....دكتور انا عندي مشكله راسي كبير مثل طنجره ورق الدوالي شو تنصحي اعمل حتى أصغر راسي..
 
الدكتور : يا ابني انت مش مجتاج عملية تجميل انت محتاج الى دعاء الوالدين ومحتاج الى ستين جرافة من البلديه وخمسين عامل من الأمانه حتى يخففو حجم راسك..
 
اتصال أخر مرحبا دكتور انا عندي كرش مدحبر مثل البطيخه المهرمنه شو اعمل....الدكتور : اسمع يا ابني لا تسكت على حالك كرشك خطير جدا و يشكل خطر على الأنتاج النباتي والحيواني كرشك اخطر من تنظيم داعش انا أنصحك فج كرشك بسكينه ورتاح...
 
معنا اتصال هاي دكتور انا بنت حلوه كثير مثل نانسي عجرم عيوني بجننو وعندي مشكله....الدكتور: ممكن تتواصلي معي بعد الحلقه وأتركي رقم تلفونك مشكلتك صعبه ومحتاجه مسنجر عفوا محتاجه تشخيص..
 
اتصال اخر ..دكتور انا عندي خشم طويل مثل عامود جرش شو الحل....الدكتور مش مشكله حط بدل عامود جرش خشمك وتنتهي المشكله لأنه خشمك من عجايب الدنيا السبعه....
 
اخر اتصال معنا.. دكتور كيفك بدي اعمل عمليه تجميل وأصير وزير او نائب شو تنصحني...بسيطه يا ابني ومشكلتك سهله ربي كرش وكبر راسك ولا تخلي ولا عزيمه ولا منسف يعتب عليك سكر مكتبك وأغلق تلفونك ودائما احكي مغامراتك في الأعلام وقول انا عملتلكم مطب لشارع اللي عندي بيتي...وفتحت مدرسه جنب مكتبي..وخلي صوتك عالي وأفتخر وقول عمري ما صديت واحد منكم عزمني..احكي وكذب عليهم  بأنك البطل الذي سيقتل الفاسدين..سب وشتم المحسوبيه قدامهم مش مشكله انه كل اولادك قفزو فوق ديوان الخدمه المدنية المهم تكافح المحسوبيه...فهمت يا اخي أياك تخربط بالوصفه اللي وصفتها لك لتصير بياع علكه على الأشارات.........