كلمة المحرر

يوميات سالم - الحلقة 26

يوميات سالم - الحلقة 26

31-05-2019 02:13 PM

- خير يا طير.
 
يقول سالم بعصبيه لمدير مكتبه الذي طلب منه عدم ازعاجه.
 
 - معلّم شحنة الجاج اللي وصلت المينا.... 
 
- مالها؟؟
 
- مش قابلين يدخلوها البلد، بحكوا إنه ما ظل ع تاريخ الصلاحية إلا شهر.
 
- يا زلمه تصرّف، هو أنا بدّي أظل أعلّم فيك!!
 
- أمرك معلم.
 
يخرج مدير المكتب - ويترك سالم الذي كان مشغولاً بالتفكير في علاج ابنه المدمن على المخدرات - ويعود بعد ثلث ساعة :
 
- خلص معلم، مشت الأمور.
 
- ممتاز، لمّا توصل البضاعة المستودعات إنت عارف شغلك.
 
- عارف معلم، بدنا نحط تاريخ صلاحية جديد لسنة لقدّام، بس معلّم...
 
- شو في؟؟
 
-  الشحنات السابقة كان يظل على صلاحيتها أربع أشهر، وهاي الشحنة شهر.
 
- شو يعني ؟؟
 
- يعني بتخاف حد يتسمم ويلحقنا مسؤولية.
 
يرفع سالم رأسه ويقول :
 
- ما تخاف، شعب بوكل الزلط، السمنة بصهاريج النضح اكلوها وما صار فيهم شي.
 
- آه والله إنك صادق معلم.
 
.......... .............................
بعد اسبوعين وفي نفس المكان
........... ............................
 
يدخل مدير مكتب سالم عليه وهو يرتعد خوفاً وعلى وجهه علامات القلق :
 
- الحقنا معلّم، مصيبة، مصيبة معلم.
 
- وَلَك خير ،شو في؟ مال لونك مخطوف؟؟
 
- معلّم اتصل واحد من مندوبينا وبحكي إنه إدارة الجودة والرقابة ومعهم البوليس اكتشفوا التلاعب بتاريخ الصلاحية، وهيّاتهم جايين ع الشركة يصادروا باقي الشحنة بالمستودعات.
 
- يزلمة شو بتحكي، شو بتقول؟؟
 
- والله مثل ما بحكيلك معلم، حتّى ماخذين المندوب معهم.
 
يضع سالم رأسه بين يديه ويفكّر في طريقة لحل المصيبة، وفجأه يرفع رأسه ويطلب من مدير مكتبه الخروج، وبعد أن يخرج يرفع سمّاعة الهاتف :
 
- كيفك يا باشا؟
 
-...........
 
- والله يا باشا وقعت بمصيبة ما بحلها بعد ربنا غيرك.
 
-...........
 
- سيدي شحنة الجاج اللي شريتها وزدت تاريخ الصلاحية عليها شوي، اكتشفوها.
 
-..........
 
- أمرك يا باشا، أمرك، اعتبر الخمسه وسبعين ألف صاروا بحسابك.
 
-.........
 
- الله لا يحرمنا منك يا باشا.
 
يُغلق سالم سمّاعة الهاتف وهو يتنفس الصعداء، وبعد عشرة دقائق يدخل عليه مدير مكتبه ويقول :
 
- معلّلللللللم سالم بيك، والله انك معلّم.
 
يبتسم سالم ويقول :
 
- خلصت المشكلة؟
 
- خلصت معلم، حكى معي المندوب وقلّي إنه البوليس نزّله من السياره و رِجعوا من مكان ما اجو.
 
- يلّا وزعوا اللي ظل بالمستودعات وارفعوا السعر ربع دينار ع الكيلو لأنّه بكرا مطلوب مني خمسه وسبعين ألف.
 
#وبعدين مع سالم.


تعليقات القراء

لا يوجد تعليقات


أكتب تعليقا

لا يمكن اضافة تعليق جديد

وسم نتنياهو مات يتصدر واختفاء يربك الاحتلال .. ماذا يحدث

السيسي: مصر تبذل جهودا لإخماد نيران الحرب في المنطقة

الحكومة الأسترالية: 3 لاعبات إيرانيات يعُدن إلى إيران بعد طلب اللجوء

زعيم كوريا الشمالية يشرف على تجربة إطلاق قاذفات صواريخ متعددة

الإمارات تدين الهجوم على قنصليتها في كردستان العراق

مصدر لبناني: الاعتراف بإسرائيل سابق لأوانه

موجة غبارية كثيفة تؤثر على الطفيلة والطريق الصحراوي وتتجه نحو العاصمة عمان

مستشار رئيس الإمارات: إيران أخطأت البوصلة

منطقة الجبيهة تسجل أعلى كمية هطول مطري بمقدار 10.5 ملم

فوز مثير للوحدات على الحسين إربد بدوري المحترفين

تحذير : تراكم البَرَد يهدد سلامة السائقين على طريق شويعر–الزرقاء

إسرائيل تبلغ الولايات المتحدة بنفاد صواريخها الاعتراضية

غارات إسرائيلية مكثفة تستهدف بلدات عدة في جنوب لبنان

حروب تبادل الأماكن في الشرق الأوسط: عندما تسبق الجغرافيا النار

مئات المتظاهرين يحتشدون في باريس رفضًا للتهديدات ضد إيران 

إقرأ ايضا

أخبار خفيفة

فنون