صحيفة السوسنة الأردنية

قبل ايام سرت انا وشقيقي الى صديقنا وابن خالتنا تعليله ونحن مدووشون من مناقشة ما سيؤول اليه الوضع في البلد بعد عاصفة التغيير (ميمعة )الوطن العربي ولما دخلنا استقبلنا الرجل بابتسامة صادقه وقبل ان يرحب بنا اذ بدأ الجميع بالحديث عن نفس الموضوع فصار كل واحد منا يعطي بما لديه فقام الصديق ابو المعتز وقال لما اجى الدور عليه لاني اعطيته مكاني لانه انا مستمتع بالعجوه الرطب بالطحينيه وناسي دوري.
 


بدأ ابو المعتز بالحديث عن ايام الاتراك لما كانوا ببلادنا وطلب الوالي انذاك بان يطعم كل بيت جندي من الجيش التركي فقام كل من يريد ان يمسح جوخ مثل المختار واللي معاهم يبحثون عن رجل (ضابط) كي يكسبوا رضى الوالي ويعملوا صحبه مع الضابط لانه مثل هيك صحبه بتفع ايام اللولو ولكن يوجد شخص من القريه دبساته مي والقرار تحت طائلة المسؤوليه صار الزلمه يدور ويحوص بالدار وكانه وقع بورطه يعني زي ما اتقولوا عزيمة مدير نص شهر قد ما لف ودار نادته المرى مالك يازلمه مثل الجاجه اللي بدها تبيض قلها يامرى انتي غايبه وحاظره شو بدي اساوي بمصيبتي؟؟؟ قالته يا زلمه روح دور على عسكري منتوف قروي واطمعه قلاية بندوره وظل عسكري ولا خراب بيوت صفن الزلمه شوي وصار يدورها براسه ياعمي راي المرى ولا اكل...........
 


طلع الزلمه ايدور لما عثر على عسكري كحيان عايف كل شي ميت من الجوع بيدور على بيت مش معلم عشان اديق عليه لانه البيوت المعلم عليها بيكون فيها واحد التقوا الجماعه وقام صاحبنا يعزم عليه ويشدد وهظاك طاير من الفراحه واخيرا اكله ومرعه وقلت صنعه ومشوا الاثنين للدار ولما قعد العسكري ولا المرى فايته معها قلاية بندوره نظر العسكري بيفكرها اول الغيث ولكن فاتت المرى وما طلعت صفن العسكري باستغراب وقله هذا غداك؟؟؟؟؟؟؟؟؟؟ قله والله يا اخوي هذا الحاظر قام العسكري وقلب القلايه على راسه وصار يطج فيه بالقلايه على راسه خبز طل الزلمه على مرته وصار يغني اذرب يا نقى عيني اذرب متنا من الضحك حتى فحمنا الا انني سرحت بحالة نوابنا وفكرت اقوللهم اذربوا يا نقى عينا اذاربوا بس لا تحكموا الطعنه لانه في ناس كثير ما عندها قلاية بندوره وسلامت عماركوا  .