صحيفة السوسنة الأردنية

السوسنة - نشرت الفنانة السورية دينا هارون عبر حسابها الشخصي على فيسبوك رسالة شكر للجيش السوري الذي قام عدد من إفراده بإعادة حقيبة يدها المفقودة، الى منزلها، بعد مرور يوم واحد فقط على فقدانها بالقرب من حاجز للجيش، قالت فيها: " "ولسه البعض بيسأل ليش بحب الجيش العربي السوري" .

وأضافت :"من بعد حادثة مبارح نمت مدايقة طبعا .. اليوم رديت على اتصال من ناطور بنايتي عم يقلي مدام دينا شباب الحاجز بدن يشوفوكي ومعن شنتايتك اللي ضاعت مبارح .. نزلت وفرحانة كتير انو جواز سفري وهويتي وكل وراقي رجعوا .. بس ما اتوقعت انو تكمل سعادتي بعدم فقدان اي غرض من الشنتاية .. ان كان دهب او مصاري او اي شي تاني .. حاولت انو اعطيهن المبلغ الموجود كلو بالشنتاية ماقبلو ابدا .. حاولت قدملن هدية رفضوا وكان الجواب انو نحنا كل همنا يكون مافي شي ناقص من غراضك وتكوني مرتاحة .. الشنتاية طلعت انا نسيانتا بالغلط على ضهر السيارة ووقعت مني عند الحاجز والمسافة كانت قريبة من بيتي .. الشباب دورو الصبح علي بنايتي لعرفو انا وين ورجعولي الشنتاية .. شكرا لأغيد وزميلو اللي كان معو .. الله يحميكن ويحمي كل الجيش وسوريا .. وشكرا سيادة العميد والمقدم والملازم اللي ساعدوني مبارح بالمخفر .. والكن اصدقائي اللي دعواتكن الي كان فضل كبير برجوعن .. بحبكن كتير شكرا . بعتذر عالاطالة بس كان مهم اشرحلكن شو صار بالضبط".
 
وكانت دينا قد كتبت الإثنين عبر صفحتها تعلن عن فقدانها لحقيبة يدها وفيها جواز سفرها وأوراقها الثبوتية بالإضافة الى مصوغات ذهبية ومبلغ مالي قالت فيها: " يقال انو الدنيا صغيرة .. وكتير صدف انو زبطت هالمقولة ببعض المواقف بحياتنا .. انشالله تزبطت هالمرة ويكون اللي ملاقي شنتايتي الصغيرة اللي اللي فيها جواز سفري وهويتي ورخصة السواقة واحد من اصدقائي الظراف عالفيس بوك .. ومبروك عليه كل ماتبقى من محتويات بالشنتاية وبحب وسعادة .. بس بدي اوراقي الثبوتية .. اللي فقدتن اليوم بالشام .. ياترى ممكن كون محظوظة ويطلع واحد منكن ؟؟؟ انا عملت ضبط .. بس حابة انو لاقيهن كتير".