صحيفة السوسنة الأردنية

كنت  لما  أتمنى  حاجة  وما  تكونش  ليه
اغمض عينية وأعيشها بعيد بس..... في الخيال

ولما  شفتك  وسمعت صوتك  حركت فيه
مشاعري اللي كانت من قبلك إنت
................مكتوفة بالحبال

إحساس مخيف خلى النوم يطير من عينية
وكأنه  كل   اللي   تمنيته   لية
................صعب المنال

كل  ما  احاول  اعترف  لك  باللي  فيه
واقول لك  كلمة  بحبك  لساني  يتقل
..................تقل الجبال

خليني احبك.. وانطق حروفها ليك شويه
ما   تستكترهاش  أرجوك   عليه ..

كل اللي محتاجة اقوله كلمة بالنسبة ليه
............ أقرب للكمال

حبي ليك الحاجة الوحيدة في الدنيا دية
أعيشها بخيالي من غير حقيقة ...
ده مش بس صعب عليه ..
ده أصعب من المحال ..