صحيفة السوسنة الأردنية

يا زوجات.... ليش التبذير، وين التدبير بقلم : حكمت محمود البشير قال تعالى: (ربنا لا تحملنا ما لا طاقة لنا به ، واعف عنا ،وأغفر لنا )صدق الله العظيم ، إذا كان الله عز وجل يغفر ويرحم ما بال العبد هذه الأيام لا يرحم ، وفي محكم التنزيل (لا يكلف الله نفسا إلا وسعها ) وليش الغيرة ؟؟؟ وليش التقليد ؟؟؟ وليش الإسراف والتبذير ؟؟؟ وعلما بأنه دائما موجود التذكير....مشاهد لا نحسد عليها.....



أم زيد جارة أم حمدان تأتي لزيارتها وبالزيارة أسرار بعد فنجان القهوة تفصح عنها أم زيد أم حمدان : أهلا وسهلا مش ملاحظة إنه زمان ما زرتينا أبس ما تفكري قديش أنا سعيده اليوم بزيارتك ، كيف قهوتك ، أم زيد : شكلها سادة اليوم من ورى أبو زيد ؟؟؟؟!! أم حمدان : يا ساتر يا أم زيد مالك حامله عالزلمة أغلب الظن إنه ما هوه مقصر اللي أنا شايفه أم زيد : ما تغرك القشرة تعالي شوفي اللبه .. وما تغرك اللمعة حتى تشوفي الدمغة؟؟!



 أم حمدان : البيوت أسرار أبس مهما كان أنا شايف إنه مش مقصر ... أقلها إنت بتغيري الأثاث كل سنه ... كل إشي على أخر موضة عندك بالدار. أم زيد : هاه كيف بدك مرة أخويه راجي أحسن مني ..ولا لأنه معها شهادة وراتب بلبقلها وأنا ما بلبقلي يا خيتي ... أم حمدان : أبس إنت ما تقارني حالك بناس و يمكن زي ما قلت مرة أخوك معها راتب وشهادة وعندها قدرة إنها تغير وما تتأثر مش زيي وزيك الواحدة بينا راتب جوزها على قده.. وما إنت شايفه قديش الحياة غالية وما بنجيب إلا الضروري ويا ريت ماشيين ؟؟ أم زيد : يمكن معك حق ... أبس لا تنسي إنه الزلمه مطلوب منه التدبير أنا هاظا اللي بعرفه.



أم حمدان : صحيح عليه الزلمة حمل ثقيل أبس اللي أنا شايفه إنه الزلمة بدبر والمرة بتبذر وما بيه إحساس... أم زيد : إنت عارفه إني صرت مش عاجب السيد أبو زيد لأني بقوله إنه بنت أختي بدها تتجوز وبدي أجيبلها لبسه مليحة ....أم حمدان : زي شوه بدك تجيبيلها . أم زيد مثلا قطعة ذهب لا تقل عن ثمن غرامات ألبسها إياه قدام الناس ما إنت عارفه مشان أختي فهميه..... أم حمدان : مش شايفه إنه الذهب هالأيام غالي إذا الغرام الواحد بخمس وعشرين ليرة إنت قاعدة بتسولفي بإشي على حسبتك فوق الميتين ليرة خلص نقطيها مبلغ بسيط والسلام وبعدين بتروحي تزوريها وبتجيبيلها هدية . أم زيد : شو هالحكي يا أم حمدان إنت بترضيها إلي قدام الناس شو رايحين يقولوا عني ؟؟؟ أم حمدان: هاية وجهة نظري وإنت حرة المثل بقول( اللي معاه قطين بوكل بأديه الثنتين ).



أم زيد : أبس أنا جاي أستقرضهن منك إذا معك خمسمية ليرة مشان بدي أشتري فسطان شفته بالمول حقه مية ليرة وغير الصندل والجزدان والتسريحة يعني حسبة ميتين ليرة إلي لحالي والباقي لبسه للبنت ....أييييييييييييييوه قولي هيك لعاد مشان هيك أبو زيد بطل ينفع! أم زيد : ما إنت جارتي وحبيبتي وإذا إنتي ما فزعتيلي وساعدتيني مين بده يفزعلي ؟ أم حمدان : بصراحة لو كنت مكانك ما بفكر بهاظا التفكير لأنه تهلكة والله ما قال هيك ، وبعدين بيه أولويات بالحياة ، وأنا اللي شايفه تلبسي إشي من عندك أحسن ما تشتري فسطان بالشئ الفلاني وأتباعه وما تلبسيه غير ساعة ...... وبعدين إذا كان معي ما بعطيك مشان خايفه من حكي الناس ، ولا تنسي إنه إرضاء الناس غاية لا تدرك ..... وكل ذي سعة من سعته ؛ بدي تعذريني لأنه مش متوفر معي هيك مبلغ إذا بدك هاية الخزانة مليانه وكلها تحت أمرك ،وهاظا اللي بقدر عليه ،وبعدين حميدة شاطرة بتسويلك أحلى تمشيطه .



 أم زيد : هيك رأيك ...... تعالي نشوف صدقيني غير تطلعي أحلى من كل اللي بتشوفيهن وبدك تقلديهن .... لا تنسي إنه هظولا الناس مش زيي وزيك عايشين عالراتب بس ؟هظولا اللي بدك تقلديهم الألف ليرة عندهم زي العشر قروش عندي وعندك ... وبعدين لا تنسي ما طار طائر وارتفع إلا وكما طار وقع ؛ وإذا أنا وإنت ما درنا بالنا على قريشاتنا كيف بنا نعيش وليداتنا والحياة صعبه يعني مشان ساعة أظل طول الشهر جيعان مشان يقولوا والله أم زيد كانت بالحفلة ستار ، فاشين ، موديلز ؛ واو، يايي أديش حلوه ،بتعئدي وتعالي عدي من هالحكي اللي ما إله طعم ولا لون كله كذب ومجاملات من ظاهر القلب ولا تنسي (نيو لوك تعملي شوك)



 أم حمدان : شايفه يا أم زيد قديش حلوة ولبستك مناسبة وهيك ما دفعتي عشر قروش أنا هاية هيه فزعتي إلك ... وتديري بالك على أبو زيد أحسن من كل التقليد الأعمى اللي عايشه بيه وعقد لحافك مد رجليك . ولازم تكوني مع أبو زيد عالزمن ومش إنت والزمن على أبو زيد ......ولا تنسي إنه المبذرين أخوان الشيطان... ولعنهم ربنا في كتابه .... ارحموا من في الأرض يرحمكم من في السماء ...... وإلى اللقاء آخر....... والى اللقاء مع يوميات ....... ابو حمدان في موقع اخر