صحيفة السوسنة الأردنية

  أبو حمدان شخص لا يحتمل حرارة الجو يقرر النوم على سطح منزله فما كان عليه إلا الغناء لنجاة الصغيرة "عيون القلب سهرانه " وفعلا راح النوم من عيون حبيبنا أبو حمدان ونادى على ابنه حمدان ...


هيه يا ام حمدان ها تيلي فرشة ومخدة بدي أنام اليوم عالحيط ...


أم حمدان بصوت منخفض ؛الله يكون بعون الجيران على شخيرك !حمدان :شو يمه أبويه عداكي بشخيره والله ما بعرف عنه حتى الشخير ينتقل عن طريق العدوى ..


أبو حمدان يتحدث مع نفسه...النومة اليوم عالحيط أحسن ؛ برجع الواحد لأيام العزوبية والجو بكون أبرد والواحد زمان ما شاف السماء الزرقاء والنجوم والقمر؛ مهيه ليلة بالعمر فما أن يبدأ بالنوم وإذ بموكب من السيارات بيييب بييب طوط بي بييييب أبو حمدان: واشو هاذا الصوت خليني أقف عالدكة وأشوف ؟؟متعجبا :مهوه الحق مش عليهم هذولا الشباب (والله حرام بيهم كلمة شباب)اللي طالع من الشباك واللي فالت الزامور وبزمر واشوه هاذا (أبو حمدان مطبقا يدا على الأخرى طيش شباب الله يهديهم لازم أهاليهم ما يعطوهم السيارات .



وبعدما يكمل كلامه يقفل عائدا إلى فراشه ليضع رأسه عالمخدة وإذ بأحد الجيران لا تغمض عيناه إلا على سماع صوت أم كلثوم ( لسى فاكر ألبي يديلك أمان)) مستخدما السماعات وأبو حمدان :هوه لو إنه بس يوطي الصوت شوية (ينادي على جاره لكن لا حياة لمن تنادي والظاهر إنه عاشق بفكر بهنادي)يخاطب نفسه ما تدقش كثير خلي حالك مش سامع الواحد بده يسكر أذانيه وينام لكن بدون تسكير معي ضغط هاذا مع التسكير بنشل وبموت عبكير خليني أعدي ها لليله عخير0
 


وما أن يغمض قليلا وإذ بالألعاب النارية تغطي السماء وتدوي أصواتها بالأجواء بشكل متتالي ط طط طا ططامعلقا أبو حمدان الحكي مش عالتخريج الحكي عالوظيفة مهو مبين بكره بلاقي شاغر عالقهوة وأبوه بفت عليه يا ويلي عليه بحتفل بمفرقعات نارية ما يوفر حقهن مصروف مش أحسن؛ لا بالله اليوم نمت وشو هاذا أي هيه الشرطة بدها تطوق الله يعطيهم العافية أنا مش عارف أي الإزعاج هاذا بده يظله طول الليل مش حرام أبيش كبار بالسن مرضى ؛ طيب أبيش زغار بخافوا ... وبعدين الله يطلع هالنهار هاي النومة جوى الدار أحسن ؛يعاود الكرة محاولا النوم أخر مرة وإذ بصوت اصطدام قوي يفزع له جميع الجيران يهرع أبو حمدان ليرى ماذاحدث ؟؟يقابل جاره أبو السعيد : شو بيه ؛أبصر شو صار باب الدار ؛الله يعدينا الشر ؛ وعندها يفاجأ أبو حمدان مجموعة شباب بيمارسوارياضة التخميس والرالي وبحدث اصطدام والساتر الله وبتالي الليل ((أبو حمدان يقول:الحمد لله يا أبو السعيد بالحديد ولا بالعبيد ؟؟؟ ))



يا زلمه الواحد مش عارف ينام وقبل ما يصل الفرشة تعلو مكبرات الصوت بصوت المطرب الصاعد (........) بعرس بالجهة المقابلة والصدى المزعج عجهة أبو حمدان (هدى البلبل عالرمان وسمعته بالليل يغني وصوته يطرب أبو حمدان اللي ما نام متهني ) أبو حمدان يارب تطلع الشمس وبعد الواحدة والنصف ليلا تطفأ المكبرات والزوامير ويغلق صوت المطرب ويوقف طخ البارود وما يضل إشي يزعج أبو حمدان يقرر النوم عند الثانية ليلا ويضع رأسه عالمخدة لا يوجد ما يزعجه إلا صوت قطط وصوت امتلاء الخزانات وفعلا مثل ما غنت نجاة (روح يا نوم من عين حبيبي )وفعلا مع ميرفت راح النوم من عيون أبو حمدان لما بسمع أصوات قوية من دار أبو فايز ويا ساتر (عليهم ) أبو حمدان : والله كأني نايم على شجرة مش عالحيط ؟ الدنيا تالي ليل لويش أبو فايز صوته عالي يله خليني أنام يا داخل بين البصلة وقشرتها ما بطولك غير ريحتها البيوت أسرار ولكن مع تعالي الأصوات وفزعة الجيران يذهب أبو حمدان مع الفزيعة عدار أبو فايز يدخل يا جماعة وحدوا الله ؛شو بيه؟لويش الولاد بعيطو؟ يا زلمه مالك وحد الله ؟ياعمي يا شوبيه ؟هاذا ياعمي ....(بنت ابو فايز ) :خلص يابه الآذان بآذن والنهار طلع ما ظلش بيها قرايه شكلي رايح أرسب بالمادة من كثرة مشاكل اهلي بس بدي أروح عند خالي عشان ما أسببلك إحراج ...أبو حمدان :لا ياعمي  بيتي بيتك ولا تفكري وشكله راح تصير عطوة عفنجان القهوة لا يا أخوية خلينا نروح نصلي أحسن والله يهدي سر الجميع ويكون بعونك يا عمي على مصاعب الحياة ..... (وهكذا إزعاجات )قلبت ليل ابوحمدان نهار فلا قرت عيناه ليس مما تعرض له أبو حمدان من إزعاج بل هناك مسببات أخرى كالإزعاجات الخلوية بأخر الليل التي تصدر من الرجال والعكس أيضا إلا أننا قد نستطيع السيطرة على بعضها الاانني أقول أن الله خلق الليل لباسا والنهار معاشا فلنتق الله في أنفسنا وفي كبار السن والأطفال أيضا (للصبر حدود ) وكان الله في عون أبنائنا وبناتنا وأقول بأن الليل لن يبقى ليلا وبعد ه يأتي النهار. إلى لقاء قريب مع أبو حمدان في ............ مكان .


 اللى اللقاء مع يوميات ابو حمدان ....... في موقع اخر