صحيفة السوسنة الأردنية

لايمكن أن ننكر الحسد فقد ذكره الله تبارك وتعالي في خمسه مواضع من القرآن الكريم كما صحت الأحاديث فيه عن المعصوم صلي الله علية وسلم ومنها قال رسول الله صلي الله علية وسلم ) العين حق ولو كان شيء سابق القدر لسبقته العين ) روى البزار عن جابر بن عبد الله أن رسول الله صلي الله عليه وسلم قال(أكثر من يموت من آمتي بعد كتابه وقضائه وقدره بالأنفس ) قال البزار: يعني بالعين وقالت أسماء بنت عميس للنبي صلي الله عليه وسلم يا رسول الله إن بني جعفر تصيبهم العين أفاسترقي لهم؟ قال( نعم فلو كان في يسبق القدر لسبقته العين )و



 بعد أن من الله على أبو حمدان من عدم التوغل والاقتراب من البورصة بدأ الناس ينظرون إليه بالحسد والغيرة والله يعديه شر الحساد دعونا نرى شكل الحسد وكيفية تعامل أبو حمدان..


 أبو حمدان : شايفه يا أم حمدان الناس تفوقست من البورصة ؛لكن الحمد لله الله عدانا شرها أم حمدان : تراني مبسوط لأنه أبو سالم قاعد بتعافى ؛أبس إنت ظلك زوره أبو حمدان : ولا يهمك أنا هسا بدي أزوره (يتوجه لزيارة أبو سالم وعند العودة واقترابه من المنزل يرى بعيونه الجيران المتراميين على أسطح منازلهم يحدث نفسه (الله يستر من عيونهم )وما أن يكمل وإذ بصوت خبط البكم بالسنسله باب الدار يفزع الجيران أبو جعفر مع آخر :يا زلمه هاي الخبطة ولا إشي ؛أي هيه شو بتيجي مع خبطتنا بالبورصة أبو مصلح : خليه الله لا يرده هوه لويش بخابط أكيد غضب والدين (في الحقيقة هوه رضي )


يدخل أبو حمدان، وبعض الجيران يأتون لتهنئته قائلين : هاي بدها فدو لويش مكنز مصاريك ما تذبح ذو القرنين بدك شيخ يقرى عليك لا يكون بتحط وإنت بالبكم شريط بوس الواوا بدل القرآن ما إلك إلا تروح عند أبو حجاب يسو يلك حجاب ...يواصل سماعه لمثل هذا الكلام ترى اسمعي يا أم حمدان ما خش بدماغي غير الفدو وبكرة بدي أذبح بطلع النهار وزامور البكم بييييييييييب والجيران بطلعوا عالصوت وإذ بالبكم ديك بلدي حجم كبير كثير يصيح هاتوا السكينة ليذبح الفدو –أحد الجيران هاذ ما الله قدرك عليه وتعليقات كثيرة أبو حمدان : يابه يا حمدان تعال غمس أديك بدمات الديك عشان نحط عالبكم ( والظاهر إنه ذو الجناحين مانفع)أ


بو حمدان :خليني أروح ازور أمي أكسب رضاها وبخبط البكم خبطه ثانية بعمود عذ بالله من الشيطان الرجيم يمه كيف حالك وشو أخبارك مش عارف إنت راضيه عليه أنا مقصر ؛الأم شو مالك يا بنيي (يقص لها ما حدث معه ) الأم عنياتها ترى اسمع يمه تراك محسود شو يعني ؛بيه وصفه دايما بشوفها عالسيارات ؛شو هيه ؟الكندره الزغيره اللي بعلقوها عن العين أبو حمدان : شو هالحكي يمه ؟؟الأم : خذ من عبد الله واتكل على الله أبس المره هاي بدي أنطيك بسطار أبوك الله يرحمه خذه يمه علقه بالبكم نمرته (44) ومش مهتري بس هاذ يمه اللي ظل من ريحة المرحوم ..



أبو حمدان برد على أمه وبعلق البسطار وهوه فاتح ثمه يصل إلى داره بيييييب كل الناس بانتظاره والجميع يضحك عندما يرى البسطار معلق بضحك لحاله أبو حمدان :تراني زهقت هالحسد أي ما بيش غيري حتى يحسدوه ؟ أم حمدان أي خلص ما بيه وصفة إلا جربناه جبنا كراكع وعلقناهن بالدار وشهر وإحنا نلفلف ونصيد كراكع وخرزة زرفا ء علقنا بالدار وبالبكم وبخور، وفسوخ، وعين العفريت من عند العطار جبنا ونفثنا شو ظل ما سوينا آآآآآآآه هسا لقيتها تلبس مواعينك مشقلبة (وفعلا يدعى أبو حمدان عند جاره أبو مطلب على تعليله عرس وبلبس الكبر والحطة والعقال وبلبس عباته مشقلبه وكندرته )أ



م حمدان: هاذ أحسن حل مهوه الدنيا ليل ، وما حدا شايفك تبدأ الدحية (الصحجه ) أبو حمدان بده يصحج بدخل مع الصحيجه بلبسه المشقلب وبتحمى الصحجه وأخونا شاش لما حميت الصحجة المسكين بتعثر بالحاشية وبسقط عالأرض وبقول : الله يقلع عيون الناس ؛ لا وأنا لابس صحيح تاركيني ولا بالشقلوب تاركيني . سلامتك يا أبو حمدان من عيون الحاسدين امثال (الملقب بشاهد القبر ) فان عينه فارغه و حاسده . والى اللقاء مع يوميات ابو حمدان ....