صحيفة السوسنة الأردنية

السوسنة

يتفاعل نجوم الفن العربي بشكل كبير مع الاحداث الدامية في قطاع غزة والمجازر التي يتعرض لها السكان والمدنيين والأطفال.

ويأتي تفاعل النجوم من خلال المنشورات عبر مواقع التواصل او الدعاء لأهل غزة أو من خلال المبادرة بحملة مساعدات لابناء القطاع.

ومن بين هؤلاء النجوم، الفنانة الأردنية ديانا كرزون، التي أكدت دخولها في حالة اكتئاب وأرق، بعد متابعتها للأحداث التي تقع على أرض غزة خلال الأسابيع الماضية، مشيرة إلى أن القصة أصبحت مصدراً للقلق والخوف بلا حيلة أو قوة.

وتحدثت ديانا كرزون عبر حسابها بتطبيق إنستغرام، عن صعوبة الوضع في غزة وتأثيره عليها بعدما أصبحت سيدة متزوجة وأماً، لافتة إلى أنها لا تحتمل مشاهدة الصور والأحداث، ولكنها أعربت عن احترامها لكل امرأة فلسطينية تودع ابنها بشجاعة وقوة وثبات.

وكتبت ديانا كرزون: "أنا جد دخلت في حالة اكتئاب مش طبيعية مش قادرة أستوعب شو عم بصير، في غصة كبيرة بالقلب ببكي من جوا وما باليد حيلة غير الدعاء، بتحس إنو الإنسانية عم بتخف كثير أو يمكن بلشت تنقرض أو بطل في قيم ومبادئ زي زمان".

تابعت: "قبل ما أتزوج كنت أحس أمي بتزودها شوي، قديش كانت تخاف علينا وبعد ما تزوجت حسيت قديش الضنا غالي كثير، ولا شي بالعالم بيسوى شي قدام ولادي يلي هم أهم شي عندي وبالمرتبة الأولى من وقت ما بلشت الأحداث وأنا بشوف كل أم فلسطينية كيف بتودع ولادها وقلبها محروق عليهم وبنفس الوقت قديش قوية وجبارة".

وكشفت الفنانة الأردنية عن معاناتها مع الأرق والخوف على أولادها راشد وسلمى: "صرت ما أنام بالليل صار عندي أرق كل شوي أصحى أشوف راشد نايم واصفن فيه وأدخل عند سلمى بغرفتها واتطمن عليها آااااخ عالوجع ……الله يكون في عونكم يا الله وحسيبا الله ونعم الوكيل".

لاقى منشور ديانا كرزون تفاعل من متابعيها، واتفقت الآراء معها بأن مصاب الفلسطينيين حالياً هو مصاب كل البيوت العربية، وأن معاناتها النفسية تؤلم الجميع وكتب البعض: "شكرا إنك طلعتي اللي بقلبك، محتاجين نعترف إنو تعبنا والله احنا بشر للأسف فكرت حنكون أقوى من هيك بكتير لأنو لازم نكون أقوى بس شكلو قلة الحيلة كسرتنا أكتر. حسبي الله ونعم الوكيل فعلاً أنا مرضت، قلبي محروق جسمي تعبان اكتئاب زعل ملل خوف يأس، لازم إيماننا يكون أقوى بس تعبنا إشي جنون".

فيما أضاف البعض: "أقسم بالله كل حرف كتبتيه انا اليوم كنت بحكيه لصاحبيتي....كتير تعبانة نفسياً انا...دخلت بحالة اكتئاب....بس الفرق بيني وبينك أنه ربنا ما أعطاني ولاد...بس حاسة بنفس الوجع اللي انتي حاسة فيه...كأنه عندي ولد وخايفه عليه...ونفسي يسمحولي أدخل غزة....ما بدي أحارب....بس بدي الملم والأطفال وأدير بالي عليهم....ياه يا الوجع .. يا رب دخيلك....مش طبيعي الجبروت اللي بأهل غزة".

يذكر أن ديانا كرزون كانت قد دعمت غزة في الأحداث الراهنة، وأطلقت أغنية بعنوان الشعب البطل مساندة لأهل فلسطين مؤكدة أن الأغنية تجسيداً لمعنى المقاومة وهي من كلمات سائد العجيمي، ألحان محمد بشار، توزيع موسيقي خالد مصطفى، من إنتاج وترى بروداكشن.

"ليالينا"