صحيفة السوسنة الأردنية

عندما كانت خميرة العجين تنتقل بين الجيران من بيت لبيت ....
وعندما كانت (روبة اللبن) تنتقل بين الجيران تايروّبوا الحليب ويصنعوا منه الرايب واللبن والزبده...
ولما كانوا يسلقوا القمح لمّا ايطينوا بيوت الطين والجارات تفزع تا تعاونهم...
والكشك والبرغل ينّقع تا ينعمل فطاير بجمعة قرايب وجيران وقبّة النار مشلعبة ومتجمعين حواليها...
ولّما كانت ريحة خبز الطابون تفوح في الحارة كلها....
ولّما كانت القرية كلها تشرب من عين وحده...
تفزع النسوان والصبايا تايعبوا قلانهم وسطولهم...
لمّا يمرض جار تتجمع الحاره كلها صغارها وكبارها يزوروه ويتمنوله السلامه....
لمّا ييجي ضيف على واحد من الحاره يعزم كل الجيران عالغدا ويصير الحيران كلهم يتعازموا بالضيف.....
سقالله لمّا الناس كلها كانت تحب بعض وقلوبها على بعض...
يسعدها ايام الصفا والهنا والبساطه...