صحيفة السوسنة الأردنية

دمشق - السوسنة -  أحمد حمزة الدرع - بين الأحزان على سوريا الام ، وحزن على أم  فقدت ابنها ، وفرح مع أم ما زالت على قيد الحياة ، تنوعت مشاعر الفنانين السوريين بمناسبة عيد الأم .

فلقد أطلق العنان العديد من الفنانين السوريين بهذا اليوم لقلوبهم لتعبر عما يجول داخلها في يوم يحبه الجميع ، يوم الام ، عيد اعتاد الجميع على الاحتفال به دائما ، ولكن ما تمر به سوريا أثر على هذه الفرحة بهذا اليوم بشكل أو بآخر .

ولكن كيف عبر الفنانين السوريين عن مشاعرهم وماذا قالوا في عيد الأم .....

جمال سليمان : يا أمي الحبيبة سلام لروحك الطاهرة..إنه عيدك الأول و أنت لست معنا و لكن ذكراك و فيض حبك و حنانك باقين في قلوبنا.....

أيمن زيدان : لا ادري لم كتب على امهات جيلنا ان يعشن جرعات نادرة من الفرح كل حياتهن كانت من اجلنا نحن ...امي تستحقين ان امنحك ماتبقى لي من عمري كي تظلي منارة ايامي المتبقيه ...كل الاعوام وانت معنى وجودي.

سلمى المصري : كل عام وسوريا الأم بألف خير بدي عايد كل أمهات سوريا الصابرات وأخص بالمعادة أمهات وزوجات وأبناء الشهداء لكم مني كل المحبة والاحترام والله يصبركم على فراق حبايبكم.

فراس ابراهيم : تغربت كثيرا ولم أهنأ بصحبتك إلا ماندر لكنك الآن ومنذ سنوات معي وبجانبي الأم والأخت والإبنة والصديقة الوفية .. يالحسن حظي يا أم فراس .. أطال الله في عمرك ..أنفاسك هي العطر الوحيد في عالمي .

قاسم ملحو : من كان بلا ام ..فليرجم حنينه بحجر...كل عام وامنا سورية بخير

أمل عرفة : وآه آه شووووووو اشتقتلك يا أمي .....يخليلكون أمهاتكون ويللي عندو أم ممنوع عليه الحزن .

نور خيزران : يا من تحت قدميكي الجنة .. اعذريني إن قصرت يوما" في حقك .

روعة ياسين : رفقاتي يلي ماعندكن ام الله يرحم امهاتكن ويرحم بابا انا بحبكن كتير ويارب شوفكن كلكن احلا امهات.

رنا حيدر : ماما حبيبتي كل عام وإنتي الحب بحياتي وكل عام وكل مامات العالم بخير
ويلي إمو مو موجودة بالحياة الله يكون معو ويبعتلو حدا يعوضو ولو شوي عن غيابا . . .

علا بدر : صرلي 3 سنين بعيد الام بكتب نفس الكلام لانو فعلا الموضوع حساس ومهم الله يخلي كل ام ويصبرالي ماعندو ام بس انا بدي عايد الي عايشة دور الام وهي لاحملت ولا ولدت يعني الاخت الكبيرة او الصغيرة لانو الحنية والمسؤولية مادخلا بالعمر او الي اتبنت او ما بعرف شو الحالات كتيرة ومختلفة كل حدا بظرفوا او الخ المهم الي عم تمارس دور الامومة بشكل او ب اخر الك انتي ياحنونة يلي بطنك ماحملت حدا بس حنيتك وتعبك ما بتقل عن اي ام الك انتي وين ماكنتي بهالدني كل سنة وانتي سالمة ياحنونة والله يكرمك ياااااااااااااااااارب.

المخرج نبيل شمس : مرة اخرى لا طعم للحياة بدونك يا امي .. جعلك الله من أهل الجنة

ليزا ميخائيل : ست الحبايب كل يوم مو بس اليوم... كل عيد وانتِ بخير ....

جيهان عبد العظيم : بتذكرك كتير بهاليوم الله يرحمك ياماما

صفاء رقماني : ياربي يخليكي ياأمي .. يا حبيبه..كل عام وكل الأمهات بألف خير..وأقبل أيادي أمهات الشهداء.

سامر المصري : مهات سوريا الأكثر شقاء هذا العيد >>>ان شالله العيد القادم بترتاحوا وبتنسوا.

نورا العايق : بمناسبة عيد الام بحب قول لامي الله يسامحك على هالخلفه

ريم عبد العزيز : حبيبتي ماما ... معك وبك يحلو الحب والفرحوالحياة ... معك تزداد عائلتنا توهجا". ..أنتي نبضنا جميعاً ... وحنانك يضلل علينا وكأننا لازلنا نحبو على أطرافنا ... يخليكي إلنا ياعظيمة

المخرج وسيم السيد : كل عام وامهات سوريا الحبيبة بألف خير ونشالله بترجع البسمة

سوسن ميخائيل : سوريا امنا الغالية سامحينا قصرنا بحقك وخزلناكي بس بوعدك نضل بدفا حضنك رغم وجعك لحتى تشفي يا اغلى من الروح

ديمة الجندي : لما بكون فرحانة بتفرحي معي و لما بزعل بتكوني البلسم الشافي لجروحي و لما كون تعبانة بتكوني الصدر الحنون اللي بغّل فيه لارتاح و لما كون وحيدة بتكوني رفيقتي اللي ما بتتخلى عني ...كل عام وانت رفيقتي و أختي و أمي الغالية يا ختوم يا احلى ام بالعالم و الله يخليلي ياكي و تضلي فوق رأسنا يا حنونة .