أنا وجسر عبدون
يوم الجمعة الماضية نويت أطلع رحلة وقررت تكون رحلتي وسهرتي على جسر عبدون عشان اتفرج على عمان الغربية وعمان الشرقيه من على الجسر و أشوف الفرق بيناتهم, وقبل ما أحكيلكم عن رحلتي بطلب منكم تباركولي بسيارتي اللي أشتريتها ب 200 دينار, سيارتي نوعها مرسيدس190 موديلها 1968 وركبتلها ماتور جديد وشلت سقفها عشان تصير مرسيدس كشف زي المرسيدس الكشف اللي مع طنطات عمان وحطيت فيها خرزه زرقاء عشان ما حدا يصيب سيارتي بالعين ويحسدوها ( خمسه وخميسه على قلبي وعلى ماتور سيارتي قصدي قلب سيارتي), وركبتلها مسجل و أشتريت سي دي اغاني مثل اغنية( ما تركتك) لعمر العبدلات و اغنية نانسي عجرم ( ياه سحر عيونه) و اغنية ( بحبك يا حمار) يعني خليتها مثل العروس, والعصر شغلت السياره وتوكلت على الله و أنا ماشي على الاتوستراد بعمان شغلت المسجل على اغنية بحبك يا (حمار) و انا بصراحه بحب الحمير لانه الحمير بيتعبو مع البشر , و أنا ماشي كانو العالم يتفرجو علي وعلى سيارتي, وكانو النسوان يتفرجو و يتغزلو في و أنا كنت مستحي من غزل النسوان لأنه أنا بستحي كثير وخاصه من النسوان, وبس وصلت جسر عبدون كانت الدنيا ليل وركنت سيارتي بجنب الجسر ونزلت الأركيله ومعسل البندوره قصدي معسل التفاح عشان أركل وأنبسط , ولما كنت باركل وقف عندي زلمة وزوجته بسيارته وحكالي سيارتك بدها مساعده بيفكرو سيارتي خربانه , حكيتله شكرا, وحكالي وين لقيت هاي السياره حكيتله اشتريتها, وكل ما بيمر من عندي ناس بسيارتهم بيتفرجو على سيارتي بيفكروني خجلان من سيارتي أو مستعر منها بيفكروني أنا وسيارتي مخلوقات غريبه نزلت من السما على الجسر, بدهم ياني اصير( مدرن) بس والله ما حزرو, وبعد ما استمتعت بالرحله وانبسطت نويت ارجع على البيت وعلى صديقتي الختياره ام سليمان, وشغلت السياره وبس دورت السياره خربت بنص الجسر وتسببت بازمة سير كبيره , وفيه ناس تعاطفو معي مثل بنت الحلال اللي حكتلي بلغتها وبطريقة كلامها وحكتلي سيارتك (مريده) يعني سيارتك مريضه, حكيتلها سيارتي معها ضغط وسكري مثل الأمراض اللي منتشره بين الناس هاي الايام, وفيه ناس سبو علي مثل واحد كان راكب بي ام دبليو غواصه بس لو مسكته كنت خليته يغوص من فوق الجسر, واحد ثاني من اللي سبو علي كان راكب مرسيدس شبح بس لو مسكته هذا الثاني كنت خليت الشبح يركبه, وسحبو سيارتي بسيارة الاسعاف قصدي بالونش, وخذوها على المستشفى قصدي على الحجز, وسحبو مني رخصة سيارتي وسحبو مني رخصة السواقه أنا مش زعلان لأنهم سحبو سيارتي مني ولا زعلان لانهم سحبو رخصة السواقه ولا زعلان لانهم سحبو رخصة سيارتي انا زعلان لانه النواب بدهم يسحبو تصاريح الصحفيين عشان ما يغطو جلساتهم .
حصيلة ضحايا غزة في اليوم الـ223 للعدوان الإسرائيلي
برنامج لتنشيط السياحة والرحلات المدرسية بعشرة دنانير .. تفاصيل
126 فنانا بريطانيا يقاطعون مهرجاناً منحازا لإسرائيل
لماذا لم يُلقِ الأسد كلمة في قمة المنامة
النواب الأميركي يصوّت بإلزام بايدن بإرسال أسلحة لإسرائيل
تصويت لحجب الثقة عن رئيسة جامعة كولومبيا
وزراء خارجية 13 دولة يحذرون إسرائيل من الهجوم على رفح
إيران تدين وترحب ببنود في بيان قمة البحرين
أنباء عن محاولة انقلاب ثانية فاشلة في تركيا
13 حافلة نقل عمومي تعمل بدون ترخيص في جرش
سفن المساعدات تصل لغزة عبر الميناء الأمريكي العائم خلال يومين
وفد تركي يبحث الاستثمار في الأردن
تونس تتحفظ على بند حدود فلسطين 1967 بقمة البحرين
الفئات المعفية من أجرة الباص السريع عمان - الزرقاء
انطلاق أولى رحلات الباص السريع من الزرقاء لعمان .. فيديو
تطورات الطقس خلال الأيام الثلاثة القادمة
تعميم من وزارتي الداخلية والعمل:الإبعاد خارج الأردن
اليرموك تفتح باب الابتعاث بشكلٍ غير مسبوق .. تفاصيل
حديث وزير الداخلية عن الخمّارات للنائب العرموطي
مواطن يجهّز 103 نياق لنحرها ابتهاجا بزيارة الملك للزرقاء .. فيديو
تفاصيل الحالة الجوية من الأحد حتى الثلاثاء
تعبئة خزان الوقود صيفا مضرّ أم مفيد .. جواب المعهد المروري
حقيقة تأجيل أقساط سلف متقاعدي الضمان قبل عيد الأضحى
الأردن: فتاة تقع ضحية مواقع التعارف .. تفاصيل مؤلمة
وظائف ومقابلات ببلديات والسيبراني والآثار ومشفى حمزة والاستهلاكية المدنية