صحيفة السوسنة الأردنية

‎- يا زلمة خلصت تشطيبات هالبيت الي قرفتنا بسيرته كل يوم ؟؟..

- والله هالبيت كل ما بنقول عمرناه ورح يصلح بيجي مين يزيد الطين بله ويخربنا كل الشغل الي اشتغلناه ...

-له له له وحد الله ..ولاد هالحلاااااااال !!!! ...طيب مديت كهربا وإلا لساتك ؟؟

- هالكهربا قصتها قصة .. صارت مشرته 140 مليون مره ...لما رحنا نشوف ايش المشكلة ما حدا فادنا ...شكلو يا اخوك بدنا نوصل ل"دبي" مشانها ..!!!

- الله بعين يا اخوك ... بس صراحة موقع هالبيت غلط ..يعني لما يفتح "النايت كلب" والله ما تعرف تنام الليل ..وغير الي بصير بهالاماكن الله يحمينا يا رب ..

- لا مهو قال بدهم يعطو للمواطنين 10 دونمات بدل ضرر ...وبعدين يا اخوك ما يهمك هالكازينو بمشي ع القانون البريطاني !!..ما فيه عندهم هالامور الي بتحكي عنها !!!! ...

-اهاااااا ...شو صوت هالاغاني الي من الصبح طوش راسنا "تبرقع وترعد ..وعظام تتكسر..وحيطان.."..احتفال بمعركة الكرامة ؟؟؟..

- لا يااااا اخوك ..عقبال عند اولادك جيرانا عندهم "طهور" لابنهم الجديد ...!!!

- اهاااا ...فكرتو لبس الفوتيك والله!!!

- هههههههههههه يقطع شرك ..

- اسمع العامل الي جبتو مشان البلاط شاطر وقديش اخذ وقت ؟؟

- والله روحت جبت الي اشتغل ببيت اخوي من شي كم سنة لانو كان مريحو وشغلو نظيف وسريع ..وانضربت فيه كل يوم برن عليه بقلي "بكرة يا باشا اكون عندك من النجمة" وما بيجي ارن عليه "ويطنش"..ولما يفكر يرد ..يقول" معلش يا بيه اصل جارك "محمد المختار" كان عاوز يخلص بيته بسرعة عشان حيروح ليبيا يجيب المدام والاولاد على وقت ما انا اخلص "...واستناه ثاني يوم وما يجي يقلي "اسف والله يا باشا حقك على نافوخي ..بس كنت بشطب عمارة حيجي يسكنها اخوانا من سوريا اتبرعت فيها "اللجنة العليا لحقوق الأخوان".!!!

وثالث يوم ما رح يجي اكيد !!

-ليش ما رح يجي ؟؟

-حيروح يشارك مع صاحبه الي ساكن معو "حاجي شهاب" باحتفال عاملته السفارة العراقية في الذكرى ال80 لاستقلال العراق!!!..

-اهاااا ... مش عارف كيف صبرت عليه والله ..؟؟!!

-مهو صار الي بتعرفو جدع احسن من الي ما بتعرفلو جنسية..!!

-اهاااا والله معك حق ..يلا يا سيدي ان شاء الله بتخلص على خير وبتشوفلك عروس بتعوضك عن الي شفتو بتكونلك سند وعون وبتعبي هالبيت اولاد صحيح لسى بدك تسمي بنتك "وطن"...

-ما انا خايف اسميها وطن ينهبوها ...او اسميها ارض يبيعوها ..او شرف يغتصبوها ..او ملك يخصخيصوها !!! ...