صحيفة السوسنة الأردنية

حظيت أغنية تحمل اسم "الفيزون"، نشرت على موقع الفيديو "يوتيوب" لشاب فلسطيني يدعى قاسم النجار باهتمام بالغ، بلغ عدد مشاهداتها قرابة 145,238.

وتصف الأغنية وضع الفتيات اليوم في خضم الموضة والملابس، والابتعاد عن العادات والتقاليد، والسعي خلف المظاهر الخارجية، والبعد عن الجوهر.

فكلمات الأغنية، تقول: "ويلي من بنات اليوم... كل ساعة بتيجيني بلون... خربن عقل الشباب ... لما لبسنا الفيزون... والبنت بتلبس حجاب... وموضتها عجب عجاب.. من فوق عمرو خالد ... ومن تحت عمرو دياب."

ويسترسل النجار في أغنيته، التي يغنيها بلحن واحد، يالقول: "شو بدنا في باريس وبرلين ... احنا عرب مسلمين ... خلي لبسك ضمن الدين... والعادات العربية... يا صبايا حيرتونا.. بنعاكسكم بتلومونا... مانتو يللي بتفرجونا... موضات استفزازية."

وفي معرض التعليقات، كتبت إحدى المستخدمات تقول: "لصاحب الاغنية بحب احكي لو البنت لبست لبس مستفز لازم انت تحترم حالك ومش مبرر تعلق عليها... بقترح تغني يابنت لا تلبسي فيزون ويا شب ضب عينك وغض البصر ...هيك بكوون مقنع اكتر."

وردا على ذلك، كتب مستخدم آخر يقول: "فهمني كيف بدك تغض بصر عن بنت لابسة فيزووون لو لابسة جلباب ومسترة كان ما حد بيسترجي يطلع عليها.. وبلبسها للفيزون كانها بتقول لكل الشباب اطلعوا علي ... غصبن عن ابوه بدو يطلع الشب بعدين ما تقدر تقارن لبس الشباب بلبس البنات."

أما محمد يحيى فكتب يقول: "شكرا كثير للفنان قاسم النجار.. بس حابب أعطيك نصيحة أخوية بدون زعل...الأغنية كثير حلوة وكلامها معبر عن الحال والواقع بس يا ريت لو كانت بدون موسيقى..ممكن إيقاع بس.. لأنه فيها دعوة للدين والسنة النبوية..وإلك الأجر إن شاء الله."