صحيفة السوسنة الأردنية

 اخخخخخ....العمر بيخلص وقضايا الفساد عمرها ما بتخلص....؟! شايف يا قلمي...وفوق هاد بيحكو عنّي مشكلجيّة...؟! ...أنا صرت مشكلجيّة لإنّي بحكي الحق والناس في هالبلد صارت تزعل من الحقّ...!!...تخيّل يا قلمي الوفّي ...! اليوم كنت مروّحة من الجامعة...وبوسط البلد الله ستر...؟! لإنّي كنت رح أندعس...! أكيد رح تحكيلي الحقّ عليكي يا نرمين ....؟! ليش ما مشيتي على الرصيف ...؟! بس أنا بحكيلك بطّل الرصيف للمشاة ...! أكيد الحق مش علي ولا على سايق السّيارة إلّي كانت رح تدعسني...؟! الحق على الخضرجي المحتلّ للرصيف..!  الخضرة معبيّة الرصيف....! والشعب خليّه يموت تحت عجال السيّارت الله لا يجعله عمره ردّ....! لأ وفوق هاد وقاحة لا توصف...؟! رحنّا بدنا نحاول نحاور الخضرجي المحترم بالتي هي أحسن ...! لمين الخضرة يا عمّ ...؟ قال إلي... والرصيف لمين ...؟! قال للشعب ..! وما دام الرصيف للشعب الغلبان ليش محتّل الرصيف ....؟ وين أبدى بالرصيف الشعب.. ولّا الخضرة ...رد بكل وقاحة الخضرة أبدى طبعاً...!؟