صحيفة السوسنة الأردنية

 بعد السلام  وبعد المجاملة  ارسلنا لك ورقة  مكتوبة بخجل مسطرة وبقلم اسود مكتوب عليها شوية اسماء ،ولو معي الرقم يا راعي الغنايم كان ارسلتها  واتسابيّة ،  ومخبي بين نفسي النيّة و انا حافظ السريّة جانا راعي صيد  بكاميرا من خلفي وانا ما ادري، والصورة انتشرت يا خسارة وصلت لحدودنا الخارجية .  

 

      اسعد الله اوقاتك يا مجمع الغنايم يا مزود علينا الضرايب يا مثبت علينا القدايم يا مقلل علينا الرواتب يا رافع الاسعار  و الضرايب ، لا تجعل أملنا بيك خايب واشهد الله انت صرت من الحبايب واذا حسبتك من القرايب ذبحتك بالحنيّة ،  كثرت علينا لديون وانا اقول للناس لكم العون  والحقيقة وانا اللي شريت من الناس الصوت واحنا نزور البيوت بزمن كثر بيه الموت ،  ياما هكلتنا بالديون وانا اليوم بدي اخبي عنك العيون  ،بعينك الله علينا ، ايدك مع ايدينا وبعرف القصة كلها مقاولة ارجوك تابع المعاملة ومشيها حتى لو  من تحت الطاولة .

 

    الكرسي عليك وعلينا غالي ، ورفعة اليد ما هي بسهلة ، اكبر من قهوتنا والهيل والدلة ،والمصالح مشتركة والثقة مفبركة واكبر من زعل فلان وعلتان همي كرسي والشيخة  وشوية خلاّن من اصحاب المقام .  

    يا صاحب المنافع ونشاطك من يومك متابع غيرك ما ندافع لو كثرت علينا المدافع ،الوطن صوتنا هذا كلامنا لاعلامنا وبجيبتنا حطينا المواطن  .

 

هذي كل الحكاية لها بداية ولها نهاية ، ومجلسنا تعودنا عليه وماشاء الله عليه وعلى حواليه .