صحيفة السوسنة الأردنية

حوار بين العريس والعروس:
بتعرفي حبيبتي قديش ربي راضي عليّ اللي جمعني فيكي.
وانا كمان انته اللي كنت اتمناه.
ان شاء الله هالبيت منعبيه عيال ويعّبوا البيت لعب وصراخ.
ان شاء الله حبيبي.
بس بتعرفي شو اكثر شيء مزعجني.
لا والله!
مزعجني وقاهرني كثرة الديون اللي انحطّت عليّ.
ابتفرج يا ابن الحلال يوم عن يوم واللي بينقص بخلص.
والله الواحد موه داري منين يقطّبها... والمشكلة الكبيرة انه كل صحابي عندهم سيارات وانا قاعد بتلطّوط بالسرافيس تني اوصل دوامي.
الله يفرجها.
بتعرفي انا لو بقدر آخذ قرض من البنك كان اشتريت سياره صغيره على قدنا بس راتبي كله مبنّك.وانا كل يوم بكون مثل المسطول مش عارف شوه اسوّي.
سلامتك حبيبي.
والله ما باليد حيله.. بحس كل حياتي نكد بنكد لو عندنا سياره كان هسّه منشمّ الهوا. بس شو الفايده العين بصيره واليد قصيره.
آآآه شو رايك حبيبي نصرّف ذهباتي ونشتري سياره!!؟
لا لا اعوذ بالله شو بدها تقول الناس بعدهم عرسان وصاروا مصرّفين الذهبات.
شوه بدّك بالناس حبيبي ... ايقولوا اللي بدهم اياه.
لا لا. لا الذهبات خط احمر ما ببيعهم... بعدين اهلِك شوه بدهم يقولوا عنّي مبارح اشتراهن واليوم باعهن.
انا بخاف دار عمي يزعلوا علينا.
لا لا انا بحكي لماما وهيه بتقنع ابوي.
انداري قوليلها.
ماما جوزي بدّه يبيع ذهباتي ونشتري بيهن سياره عقدّنا.
ولِك ليش اتبيعيهن.. لو كان بدّه يعمّر بيت منقول.. لكن انبيعهن مشان تشتري سياره بعدين شوه بدهن يجيبن.
بالله يمه توافقي وتقنعي ابوي.
طيب توكلي على الله لو اني مش قنعان بمشترى السيارات اساع.
(وهيك انبسط الجوز ووصل للي بدّه اياه)
يالله خلينى نروح عالصايغ تانبيعهن.
يالله حبيبي.. شايف كيف اقنعت اهلي.. انا ما بحب تتمرمط وتتبهدل عالطرق.
(وهيك اخذ اللي بدّه اياه ورجعت المصاري عليه وبطّل يذرب معاني. واشترى سياره كيا سيفيا... يوم ماشيه وعشره خربانه).