صحيفة السوسنة الأردنية

السوسنة- في لقائها مع برنامج "سبوت لايت" الذي تقدمه الإعلامية شيرين سليمان على قناة صدى البلد، أعربت الفنانة كندة علوش عن سعادتها الكبيرة بتكريمها في مهرجان أسوان الدولي لأفلام المرأة، مؤكدة أن فرحتها لم تكن نابعة من الجائزة فحسب، بل من مشاعر الحب والاهتمام التي تلقتها من أهالي أسوان خلال الندوة الخاصة بها ضمن فعاليات المهرجان.

وقالت كندة:
"الندوة دي فرحتني زي التكريم تماماً، لما دخلت وشفت القاعة مليانة وكل الحضور من أهالي أسوان، كانت سعادتي لا توصف. حسيت إنهم جُم فعلاً من قلبهم، عاوزين يشاركوني ويسألوا ويتفاعلوا، وده اللي خلاني أقرر أخلي الندوة تفاعلية، أسمع منهم مش بس أتكلم. شاركوني مشاكلهم، تطلعاتهم، وإيه اللي منتظرينه من المهرجان والسينما بشكل عام. أنا ممتنة جداً لأهالي وسيدات أسوان اللي حضروا مخصوص وخلوني أحس بحب كبير وصادق".

وتحدثت كندة عن وجود أبنائها خلال مشاركتها بالمهرجان، قائلة: "حياة بقى عايزة تاخد الجايزة، وعجبها شكل الجايزة، فقلت لها ده ليكي هي عايزة تمتلكها يعني، وهم فرحانين يمكن كريم صغير لسه مش مقدر، بس حياة فاهمة إن إحنا جايين ماما هتاخد جايزة، فهي فرحانة بالموضوع ده".

وكشفت عن برنامج زيارتها في أسوان، قائلة: "عملنا رحلة في النيل، رحنا معبد فيلة، رحنا هيسة، وروحنا غرب سهيل، والسوق اشترينا حاجات ووريتهم القرية النوبية والبيوت، يعني أنا حريصة إن أنا في قعدتي دي أوريهم كل المعالم".

وفي ختام حديثها، أشادت كندة علوش بالمهرجانات التي تقام خارج القاهرة، قائلة: "سعيدة بالمهرجانات اللي بتتعمل بره القاهرة، يعني القاهرة مدينة عظيمة فيها مهرجان عظيم، دلوقتي بقى فيه في الجونة مهرجان عظيم، بس أنا سعيدة بأن الدولة وإن المؤسسات بتدعم المهرجانات اللي هي يمكن تبدو مهرجانات صغيرة، إلا أنها مهرجانات شديدة الأهمية، وبدعو كل الأساتذة الممثلين والنجوم والمخرجين والصناع إن هم ييجوا ويشاركوا في المهرجانات دي عشان هي حقيقي بتعمل فرق".

اقرأ المزيد عن:

• عيد ميلاد عمرو يوسف .. رسالة مؤثرة من كندة علوش
• كندة علوش بأول ظهور لها بعد إصابتها بالسرطان
• عرض فيلم كندة علوش في السعودية
• كندة علوش تتفاعل مع إشادة يسرا بها
• اعتزال كندة علوش للتمثيل يشعل ردود الفعل