السوسنة - بعد صمت طويل على قصة زواجه من المطربة المصرية أنغام رد زوجها الموزع الموسيقي أحمد إبراهيم، ردا مطولا ً وقاسيا ً على منتقدي زواجه، كما خص بالذكر أحد الصحفيين بعد سخريته من فارق العمر بينه وبين أنغام.
وكتب إبراهيم في منشور له عبر حسابه على الفيس بوك رسالة مطولة ، أكد فيها أن زوجته الحالية النجمة أنغام لم تكن سببا ً في تدمير عائلته وأن أولاده وزوجته السابقة لا يزالون ضمن مسؤولياته وتحت رعايته واستطرد للحديث عن فارق العمر بينه وبين أنغام موضحا أنه يبلغ من 36 عاما ً وأنه مسؤول عن بيتين ومساهم في إعاناة بيوت كثيرة بحسب تعبيره، لأفتا بأن زوجته أهم مطربة في مصر والعالم العربي.
وأرسل الموزع الموسيقي تهديداته لكل من يتطاول على حياته وعائلته وخاطب شخص معين يبدو أنه الصحفي الذي أشعل فتيل أزمه قائلا له " لو أشوفك حيدلك بالجزمة"..
وفيما يلي نص الرسالة كاملة: "انا مضطر اشهرك يا ... واديلك قيمة ودرس وبعدين همسح البوست .. انا سكت طول الفترة الاخيرة لاني كبير وعاقل واعرف ادير بيوتي ازاي ومش من هواة الرد لاني بتقي الله وبستخيره في تصرفاتي واللي عارفني عارف مين احمد ابراهيم .. اللي في الصورة معايا دي مراتي قبل ما تبقى نجمة واهم مطربات مصر والوطن العربي يا ...ولو شوفتك هديلك بالجزمة .. اللي في الصورة معايا لا خدتني من بيتي ولا ولادي ولا خربت بيت حد انا ولادي في حضني وهما وامهم لسه في رقبتي وعايشين في خيري ومن عرقي ومحدش اشتكى عشان حضرتك واللي زيك يشحت بيهم ".
وأضاف: "ولادي زي الفل ومعايا ومامتهم فوق دماغي وشايله لسه اسمي ووش الخير عليا وسواء كملنا او انفصلنا هتفضل ام ولادي وكله نصيب. ثم ومش هفيه عشان حد يدافع عنها، واللي قدامك ده يا .. عنده ٣٦ سنه ومخلف ولدين واحد فيهم ٨ سنين ومتجوز ٢ وفاتح بيتين يا.. واتمرمط واشتغل الف شغلانة وهو صغير وبيساعد في فتح بيوت كتير بفضل ربنا من صغره".
وتابع: "فرق السن يا... اللي بيني وبين مراتي ١١ سنه يعني اقل ٤ سنين من الفرق اللي بين السيدة خديجه والنبي ( ص) اللي في الصورة ده واخد جوايز ومتكرم كاحسن موزع في مصر والوطن العربي اخر ١٧ سنة اكتر ما انت دخلت الحمام وصاحب اهم نجاحات ناس اكبر منه في السن ماحققوش ربعه و بفضل الله اعلى سعر موزع موسيقى حاليا مع اتنين تلاته كمان من جيله على مستوى وطن عربي".
واستكمل: "اللي بتتريق عليه ده عشان تضحك ال.... اللي شبهك عمل اغنيه اسمها على بالي لشيرين من حوالي ١٥ سنه كسرت الوطن العربي وقت ما حضرتك كنت بتاخد المصروف من ماما .. اذا كان السخرية من الناس موضه فا محدش هيضحك غير السفلة اللي شبهك اللي معندهمش اصل ولا شافوا خير .. وبالمناسبة انا مش مضطر اطلع ادافع او ابرر واتكلم في اسرار بيتي وارد على اتهامات عشان اخد بونت على حساب ام ولادي وافضح بيتي وارضي ...زيك انا ولادي في حضني وامهم لسه في رقبتي وفوق دماغي ومحدش اخدني من بيتي ولادي ولا حد يعرف يعملها انا اتجوزت على سنة الله ورسوله وراضيت ربنا وعملت الصح كفاية متاجرة بولادي وامهم ونواح وعياط يا .... محدش طلب تدخلكم في امور بيتي وسواء اولادي او اي واخده من زوجاتي الاتنين عايشين في خيري انا وبعرقي انا وقادر اتجوز كمان اتنين لو عاوز الحمد لله".
واختتم حديثه: "ومن هنا ورايح اللي هيوصلي انه غلط فيا او جاب سيرة اي واحده من اللي في رقبتي او تاجر وشحت بحكايتها انا همسح با... الارض ومش هكتفي بالقضاء انا هروح اضربه بالجزمة انا لا جاي من نيو جرسي ولا متربي في بقي معلقه دهب انا من بورسعيد وتشقيت وواخدها من تحت وبعرف ارد بادب وبعرف اسب واضرب لتدخلك حياتي الشخصية والسخرية مني ومن مراتي ...ودي قضيه جديدة اتحركت خلاص
الملك في الكونجرس يؤكد ضرورة وقف التصعيد لتجنب توسع الصراع