أحمد سعد يفجّر مفاجأة عن ريم الباردوي وسمية الخشاب

وقال الفنان أحمد سعد في برنامج شيخ الحارة: الست اللي اتجوزت لو يوم واحد وتطلع تتكلم عن جوزها تبقي مش تمام، وهذا ضد الدين والشرع والأخلاق، وأنا مش موجود علشان أتكلم عن حد وإنما لتوضيح حقيقة ما حدث لجمهوري الكبير.

 

تابع قائلا: أنا زعلان قوي لما الناس تكون كويسه معايا وبيقولوا عليا حب العمر وأحلى كلام في الدنيا وينزلوا صور وبعدين يتكلموا وحش حقيقي اللي تعمل كده تبقي مش كويسه.

 

 

وأضاف: سميه كانت بتسأل كل الناس هو طلقنى ليه أنا طلقتها غيابي من غير ماتعرف، وهي ولا كانت رافعه عليا قضية خلع ولا حاجه، وإزاى بتقول أنها كانت رافعة عليا قضية من 6 شهور، أحنا كنا مع بعض في العراق قبل شهر من تطليقي لها وكانت لسة بتقول عني حب العمر آه كان فيه خلافات ولكن مارفعتش قضية طلاق، وأسباب الطلاق مش حابب اتكلم عليها بس باختصار هي ضحكت عليا.

 

وأكد مجددا أن سمية الخشاب لم تكن تعرف ابدا أنه سيطلقها وقال: لو علمت بالطلاق أو طلبته كنت طلقتها حضورى، وانا عمري ما أعيش مع واحدة يوم بعد ما تطلب الطلاق، ما استحملهاش على نفسي، أنا امنت لها وكنت محتاج لها في الفترة دي وهي كانت أمينة على فلوسي وعلى حاجتي.

 

وتابع قائلا: انه كان يعمل بصورة جيدة في حفلات بمحافظات مصر، وعندما يعود إلي المنزل يترك لها أرباحه كأمانة، ونصحته لاحقا بشراء منزل، وطلب منها أن تكتب كل شيء باسمها لأنها من سيتولى مهمة متابعة تسديد الأقساط خاصة وأنه لا يملك أية حسابات بالبنوك ولا يملك دفتر الشيكات اللازم لشراء البيت بالتقسيط، وعندما يطلب منها نقل الملكية تقوم بالإجراءات المطلوبة، خاصة وانه دفع المقدمة و10 أقساط تساوي مبلغا ضخما، ولكن عندما طلب منها البدء باجراءات نقل الملكية رفضت وقالت لي أديك حقها، وعرضت عليا ربع قيمتها رغم أن الشقة قيمتها زادت خلال العام.