صحيفة السوسنة الأردنية

 يعني بعدين مع هالحكومة....يعني بكل دول العالم الشعب بلشان بالحكومة إلا عندنا الحكومة بلشانه بالشعب......يعني إن كان هالحكي صحيح بقدر أقول وأنا مقوي قلبي كثير هيك يا حكومة......لأني والله ما بعرف على شو هالمبلغ .....يعني بدون مبالغة 90% من نوابنا الأفاضل أصحاب ملايين (اللهم لا حسد).....وبعدين لشو هالمبلغ .....على الانجازات اللي حققوها نوابنا.....إذا كان هذا هو المقياس فيجب خصم أضعاف هذا المبلغ منهم.....وبعدين ليش يعني النواب بس مش حرام طيب الوزراء المساكين شو ذنبهم ما يستلموا كمان.....كان الله بعون الوزراء والمدراء وأصحاب العطوفة. إذا كان هالحكي صحيح .....فعذرا أيتها الحكومة إن وصفتك بالطائشة والمتهورة......3 آلاف دينار مش كثير على نائب ولكن بهذا المبلغ تستطيع حكومتنا الرشيدة إسعاد 30 عائلة وحل مشكلة العيد عندهم....3 آلاف دينار سيدتي الحكومة لا تكفي لشراء 3 بدلات للعيد لكل نائب ولكنها تكفي لإدخال 300 طالب للمدارس.....سيدتي الحكومة اخرجي من مكتبك وغادري الدوار الثالث.....لا تتجولي في الصويفية ودير غبار.....ادخلي القرى والحارات وشاهدي الفقر المدقع.....استمتعي بمناظر الأطفال بدون لباس .....اطرقي أبواب من يتضورون جوعا في أزقة البلاد إن وجدت أبواب ......متعي ناظرك بطوابير المخابز وأزمات المواصلات. سيدتي الحكومة.... لم أشأ يوما أن اكتب بما لا أحب .....ولكنه خبر يستفز الأموات......3 آلاف دينار لكل نائب......والله ما أنا عارف على شو.....حكومتنا الرشيدة مشان الله خففي الرمي علينا بس شوي .....وهي مش ناقصة .....فكل يوم يزداد صعوبة.....ونزداد تعب وعدم احتمال.....طيب يا حكومة أعطوهم أل 3 آلاف بس لا تحكوا لحدا.....على الأقل عشان مشاعرنا اللي كمان أصبحت مش مهمة. بعدين النواب ما بيوكلوا سمك أرجنتيني اللي مقطوع رأسه اللي اعلنتوا انه خربان بعد ما الناس شبعت منه ومع هيك بعده مليان بالأسواق. سيدتي الحكومة... أنا حكيت إذا كان هالحكي صحيح ....وأتمنى أن لا يكون صحيح......فسأفكر بأن أصبح نائبا في المرات القادمة .....بس عشان أل 3 آلاف دينار يعني بلكي على الله زبطت معي وما في شي غريب بعد اللي شفناه من مجلس 111.