أغنية جديدة لـ«شعبولا» تشجب قصف غزة

فنون

أغنية جديدة لـ«شعبولا» تشجب قصف غزة

29-12-2008 12:00 AM

يبدو ان الثنائي اسلام خليل كشاعر غنائي وشعبان عبد الرحيم كمطرب شعبي أصبحا يعبران عن نبض الشارع العربي بدليل أنهما انتهيا من إعداد إحدى الأغنيات إنفعالا بما يحدث لأشقائنا في مدينة غزة الفلسطينية من قصف وتدمير ومجازر وحشية على يد قوات الإحتلال الإسرائيلي الغاشم .
ويقول إسلام : بمجرد ما شفت اللى حصل فى غزة على شاشات التليفزيون كلمت أبوعصام -شعبان عبدالرحيم- وقلت له افتح التليفزيون واتفرج على اللى بيحصل، وقلت له أنا هاكتب وأنت هتغنى لأننا لازم نقف جنب الفلسطينيين، واتفقت مع شعبولا على تسجيلها بسرعة لإثبات موقف، خاصة أن الفنانين المصريين أصبحوا كسالى، ولم يتحرك أحد للتضامن مع الشعب الفلسطينى ولو بأغنية، وفى الآخر بيعيبوا علىّ عشان ما باكتبش غير لشعبان، هو فيه حد غيره بيتحرك والا بياخد موقف؟

تقول كلمات الأغنية:

غلبت أكتب أغانى مش لاقى كلام يتقال
اللى بيحصل فى غزة حرام ده ولا حلال
قنابل نازلة طالعة على الأرض وعلى البيوت
والدنيا فى غزة والعة والناس عمالة تموت
يا عالم حد يلحق يا عالم حد يحوش
إن شاالله حتى بجزمة زى اللى خدها بوش
الشعب العربى اتأذى.. الشعب العربى حزين
على اللى بيحصل فى غزة وبيجرى فى فلسطين
300 شهيد وأكتر بالضرب ليل نهار
والدم فى كل حتة والناس ما بين حصار
مكسوف أكتب أغانى والدم مستباح
لكن ورقتى ميدانى وقلمى هو السلاح
بدل ما تلوموا مصر وتجيبوا سيرة الناس
شوفوا الحرب اللى دايرة بين فتح وبين حماس
طول عمر مصر واقفة وبكامل شعبها
مشغولة بالقضية وبتسعى لحلها
الظلم الإسرائيلى ع الوطن العربى زاد
وما بنعملش حاجة غير بس نقف حداد
دى دولة ملهاش لزمة وهدفها دايماً قذر
عايزالها ألف جزمة زى بتاعة منتظر.