صحيفة السوسنة الأردنية

 

القسوس كتبت على صفحتها الفيسبوكية تحت عنوان "آخر مباراة بحضرها يكون فيها جمهور لفيصلي ووحدات":

 

في وقت من الزمن كنت اشجع الوحدات وتابعت مباريات وعجبني الفريق الثاني وصرت أشجع الفيصلي ...

 

كنت فاهم كرة القدم الأردنية غلط ، بفكر انه لازم الواحد يعشق الفريق اللي لعبه حلو.

 

يوم الجمعة الماضية بعض جمهور فريق الوحدات وبعض جمهور فريق الفيصلي اثبتولي انه كرة القدم عنا عنصرية وكره وحقد ولسان وسخ ، من وقت اخر مباراة قررت ما اشوف مباراة بيلعب فيها فيصلي او وحدات .

 

الموضوع اللي لازم يفكر فيه جمهور الفريقين انه احنا الاردن والاردن اكبر من الوحدات واكبر من الفيصلي .. أسفي على شباب تشجيع فريق كرة قدم وصل بالنسبة الهم يسب أم ابن بلده ويهتك عرض ابن عمه وابن خاله وابن جيرانه بالمدرجات عالجهة المقابلة ..

 

 لفريق نادي الفيصلي وفريق نادي الوحدات كل الاحترام لكن جمهوركما اساء لكما كثيراً والمفروض الفريقين انسحبتوا من المباراة وتركتوا الجمهور بالملعب . لانه معرفتي الشخصية بغالبية اللاعبين من الفريقين انتم أجل وارفع من الكلام اللي خاطب فيه مشجعو الفريقين انفسهم.