صحيفة السوسنة الأردنية

 

 

    المحاضرة تدخل من الأذن اليمنى ، وتخرج من اليُسرى ، الأعين مُبنّجة والأفواه مفتوحة ، والله يعينك يا دكتور على ما أصابك ، بيرجع الدّكتور خائباً على المكتب " بخُفّي حُنين " وحالنا هذا كل يوم ، أما عن حياة الطّالب في الجامعة يأتي إلى الجامعة في بداية الإسبوع ، وكإنه أتٍ إلى عزاء الحراة العالية .. الأجواء الصحراويّة .. وأزمة المواصلات .. والرسوم العالية ...وغيرها من المآسي .

 

   أوّ ل ما نبدأ الدوام على الفيس بوك والقهوة ، الكتاب ما بنفكر نفتحه إحنا عباقرة بنفهمها على الطاير من الدكتور ، مباشرة الواجب بحلّه من أبو حميد صاحبي ، ما بقصر معي أكيد ، وقبل ليدخل المحاضرة بشاور حاله يدخل ولّا يطنّش ، أحسن شيء أعد على إيدي ..! أحضر .. أطنّش .. أحضر .. أطنّش .. وبعد ما ينتهي من العدّ ، بكيّف لإنّه ما رح يحضر المحاضرة ...! ما بحضر  المحاضرة ويبحث عن إهتماماته التي ضحى من أجلها بالمحاضرة ، والمصيبة الأكبر إنّه في هاد اليوم عنده إمتحان ، ولا عنده ولا عند باله ، ولا عنده علم أكيد لإنّه يوم ما أعلن الدكتور عن الإمتحان كان يشخّر بالقاعة ومبارح مقضيّها على التركس ، والشدة مع الشلّة ، وبس يداوم ثاني يوم ، بينصدم لمّا يحكوله زملائه أخذنا إمتحان بيزعل شوي بس ما أسهل إنه ينسى ، والإمتحان الثاني ليس أحسن حالاً من الأول ، وعند الفاينل الشاطر بدّه يختم الكتاب إلّي أخذناه بأربع أشهر بيوميين ...!

 

     وقبل إعلان العلامات ، الكل عند مكتب الدكتور " مشان الله يادكتور والله أبوي بيقطع عني المصروف ..؟! والله خريج يا دكتور ...؟! بس خمسين يا دكتور " مش طمّاع..!  طموحه وصل للخمسين..؟!!!  بس النجاح..وبس الدراسة على الله ولمّا نحمل المادة ، والله يا بابا الدكتور شديد و الدكتور حقد علينا وغيرها من الحجج ، طبعا ما ينطبق على الطلّاب ينطبق على الطالبات ، لكنّه لا ينطبق على المجتهدين أمثالي.

 

    وإن كنت متفوّق ما بتفرق كمان لإنّه وفي ظل الواسطات المعبيّة الجامعة ما في فرق بين المتفوّق والكسلان  ، وحال الجامعة على الله ، عجز بميزانيّة الجامعة ، ولمين بدنا نشتكي..؟! لله طبعا، ما لك صوت بجامعة الحسين ، إلّا صوت الجنوب غيره مستحيل تسمع أصوات ثانية ..! وأكيد الطلاب الجامعيين الأجانب مش زيّ الطلاب العرب والباقي عندكم يا عرب..!