صحيفة السوسنة الأردنية

مطلّقة بعد سنة ...!! على يديها طفل ...!! وفوق ذلك  وجهاً مليئاً بالكدمات  و مشوّه...!! لا بتسمع منها إلّا " الله يسامحك يابا " ...!  فلنبدأ من بداية المشكلة... " إذا بُشِر أحدهم بالأنثى ظلّ وجهه مسودّاً وهو كظيم"...الرسول الأكرم عندما أضاء الكون بنور الإسلام أزال كل أشكال التهميش والعنف ضد المرأة ...بل وكرّمها...النسائق شقائق الرجال...المرأة نصف المجتمع وهي من تلد النصف الآخر إذن فهي كل المجتمع ...! فلماذا نحن بسلوكاتنا هذه نعيد همجيّة الجاهليّة وتخلّفها...؟!  البنت ليس لها عمل  إلّا  الشغل مثل  الخدّامة  بالبيت ....! الكل بيستقطع فيها ...الكل بدّه يسيطر عليها ...الأمّ ... " إلّي بسنّك صار عندها عشيرة ولاد ...بكرة بتعنّسي بخلقتي....! "  والبنت لسّا عمرها ما تجاوز 18 سنة و  الأب ...كلّ ما البنت بدها تشكيله ...ظلم وتسلّط أخوها بفطّ فيها وبحكيلها ..." أُ سكتي يا بنت أخوكي صار زلمة ردّي عليه إنشالله بده يكسّر راسك" ...إنشالله قاّلك اللبن أسود يعني اللبن أسود...! " أنتي ما إلك إلّا بيتك ومطبخك ..." 

    

   بطّلوها من المدرسة من صف عاشر ...مع إنها كانت من الأوائل ....شوو .؟! إحنا ما عنّا بنات تتعلّم...؟!  الشهادة شو بتفيد البنت..؟  البنت ما إلها إلّا بيتها .. ههه شو بتفيدها الشهادة ...؟! شو بتفيد الشهادة يا حضرة الأب المحترم ..؟!.  

 

   بنتك مطلّقة وما معها شهادة توجيهي حتّى ..؟! زوجها طلع فاشل سكرجّي وقتّال قتلة ..؟! وأخر مرّة قتل واحد وراح عالسجن 7 سنوات ... ومعها طفل مين رح يصرف عليها...؟! ليكون إنتا إلّي ما بتتحمّل تشوفها...؟! ولّا أخوها اللئيم الهامل ..؟! بسبب دلعك الزايد وتربايتك إلّي ماشالله عنها ...؟! ولّا أمها منزوعة الحنيّة ...؟! ما بتتحمّل تسمع إلها صوت ...؟! وبعد ما صارت مطلّقة .." صرتي سيرة على لسان كل النسوان الله لا يوفّقك " ....وأنا بحكيلكم ... " الله لا يسامحكم" ....شوفو قمّة الرحمة عندها لسّا بتدعي لأبوها الله يسامحه ...وأبوها المحترم ظلمها وكإنها ضرّة أُمّه ....الله أكبر ...! لما يا عالم هذه هالقسوة ...؟!.. شو هالعقليّات المتخلّفة ... ولإنّها الجبانة إلّي ...تعلّمت على أُسكتي يا بنت ..؟! ظلّت تسكت وتتحمّل ظلم الزوج  المجرم إلّي يصبّحها بكتلة وبمّسّيها بكتلة ...؟! و لإنها الجبانة بتخاف تشكي عليه  لحماية الأسرة...!  بلاش يخلّص عليها ويرميها بالشارع مع إبنها ...رماها وخلّص ..؟! ولولا حماية الأسرة لامينها مع إبنها كان صفّت بالشارع لا أبوها ولا أخوها ...ولا حتى أمها.. نفعوها ....! أكرر عليكم يا جماعة... " رفقاً بالقوارير.. " ما أكرمهنّ إلّا كريم وما أهانهنّ إلّا لئيم...؟!