صحيفة السوسنة الأردنية

بحكوا بلدنا بتمتع بالديمقراطية والحرية والشفافية.

صحيح مية بالمية حكي ما عليه غبار ولا منيه.

ومن الطريف انه ضد الواسطة والمحسوبية.

هالحكي بمشي عليكوا ما بمشي عليه.

انسوا شئ اسمه كفاءة وخبرة عملية.

الحكي الصحيح الي برفع المعنوية ابوي وزير وعمي بالداخلية.

ما هو تقليل من هيبة ابوي اتباهى بالعز والفخر للي رباني بتعبه وعرق جبينه وما بخل عليه.

رحمك الله يا عقال الراس والحمية.

شوفوا النشرة الاخبارية اسمعوا اهم الشخصيات كلامهم جميل وشعاراتهم وشروطهم ما تنطبق غير عليك وعليه.

وين احنا وين الطبقة الي فوق فوق بالعلية.

لا تجادلني وتحكيلي وقف بالدور لوظيفة و لتعيين أو لورقة تمشيها بدائرة حكومية.

أو تحكيلي تابع الإعلان بالجريدة الرسمية وجهز اوراقك الثبوتية.

ويا عين امه الي ما عنده واسطة قوية.

ما يقدر يوصل لصاحب القرار ابو بدلة رسمية الي أجرى اتصالاته الضرورية.

وعين ابن فلان لانه بينهم مصالح شخصية.

يا ناس ردوا عليه نسبكوا ينسب إلى من بالهوية الشخصية.

راح التعب والعلامة الي مية بالمية والتنافس الي كان بطريقة حضارية.

هالحكي كله ما يرضي قيادتنا الهاشمية.

نتكاتف ونحارب الواسطة والمحسوبية ونبني هالوطن بحب وانسانية عندها نصل للعالمية.