صحيفة السوسنة الأردنية

-التهافت على شراء الاطعمة والمشروبات والتشهون
- اغلاق الشارع الرئيسي بمحلات الخضروات والاصطفاف بوسط الشارع وبالكاد حتى تستطيع المرور
بسيارتك وانْ حكيت بتعمل باليوم عشر هوشات
- المصارعة الحرة والمسبات وسباقات الضاحية واستعمال الهروات والبكسات والكفوف على اقل الاسباب... قال لأنهم صايمين.
- النوم نهارا والسهر ليلا
- صحيان ابو بيجاما من النوم بعد العصر وقامطها لتحت اباطه وجلوسه بالمطبخ مستهوش وعيونه مجغصه قبل الفطور وتدخّله بالصغيره والكبيره وما بيطلع من المطبخ غير مطفّر اللي حواليه.
- تعج طوايل السفرة بكل انواع المأكولات والمشروبات وثلثينها كبّ عالحاويه.
- ابو لافي وابو غافي معبّيها بصل وثوم للخنّاق ومبشنق ورايح عالتراويح... وهيت عاد اقدر وقّف بحدّه وهوه بيضرب صليات عاليمين وعالشمال
- مصاركة الاولاد وضحكهم وصراخهم في اغلبية المساجد وازعاجهم للمصلين واذا حكيت مع واحد منهم بتبلش مع ابوه.
- كُثر زعلات النسوان وجيزانهن وهاي رايحه وهاي جايّه.
- كُثر طلبات النسوان تا يطلع الزلمه من ثوبه ومن زيفه.
في اخر ايام رمضان... المسابقه على مشترى الاواعي والشرايط واخذلك عاد غلا بالاسعار.
اخر ٣ ايام من رمضان شراء الملابس والحلاقه بعد الفطور لغاية الفجر وبس يرجع من الحلاقة او مشترى الملابس بصفقها نومه وما بيصحى الا المغرب من يوم العيد... وهيك لا كِسب العيد ولا صلاة العيد