صحيفة السوسنة الأردنية

يعني هاي آخر سولافه مع الحكومة.....يا جماعه إلنا عشرين سنة واحنا نحكي عن لقمة الخبز .....واليوم الحكومة ترفض حتى تركنا ورغيف الخبز.....وبطاقة ذكية كمان....يعني لازم البطاقة يكون معدلها بالتوجيهي فوق إل 95 ....طيب إذا واحد خلص رصيده قبل نهاية الشهر بصير التحويل؟؟؟؟ يا حكومتنا الرشيد اختصري شوي مشان اللي خلقك.......كيف يدي أروح على عبد الباسط واحكيله بدي خبز بالبطاقة .....

إذا الشغيله ما الهم طولة بال يبيعونا بدون بطاقة كيف مع البطاقة .....يعني بدكوا تعملونا مذابح؟؟؟؟ يا حكومة الخبز لتعلمي انه عندما وزعت كوبونات عشان صرف السكر والرز أصبحت تباع بأسعار زهيدة من قبل الفقراء لأصحاب الدكاكين.....لأنه في حينها لم يكن هناك داعي للرز بالنسبة للفقراء.....وبالنسبة للسكر كمان ما في داعي لأنه الشاي بدون سكر أفضل من ناحية صحية......بس الخبز والله كثير .....اقسم بالله العظيم انه كثير.....انه الخبز يا سيدتي الحكومة.....إنها المادة التي تسد فيها أفواه الجياع.....

إنها المادة الوحيدة التي عندما تسد أبواب الطعام نجدها استعارة من عند الجيران......يعني ما بقدر اطلب من عند جاري دجاجه أو 5 حبات برغر......بس والله الخبز عادي. سيدتي الحكومة .....ارجوكي لا تشكلي لجان......ولا تفكري.......ولا تقترحي......خلونا مثل ما إحنا......احكيلك ما بدنا إصلاح اقتصادي......ولا بدنا اشي......وبدك نعتذر ونتوب إحنا جاهزين......

بس رغيف الخبز لا تقربوله لان اصحابة كثر......ومن يتشبثون به أكثر.......ومن يرونه كل يوم أكثر وأكثر. سيدتي الحكومة وفري ثمن البطاقات الغبية ......واياكي أن تزاحمينا على رغيف الخبز.....فقد خلق هذا الرغيف لجميع الناس ......نحن لا نعرف طريق الفنادق .....ولا المطاعم العالمية......نحن لا نختار غذائنا......نحن نشتري رغيف الخبز قبل أن نعلم ماذا سنأكل.....الخبز يا سيدتي الحكومة للجميع وليس على بطاقة الأحوال المدنية....الخبز مادة غذائية تحتوي على كثير من الشوائب التي لا تعلمها الحكومة فاتركوها وشانها.....اتركوها فنحن أولى بها ونستطيع التعامل معها......نحن من يستطيع مضغها بشوائبها ......اتركونا وخبزنا .....واحذروا الخبز فهذه المادة شعبيتها كبيرة جدا وقد تغرقون بمحتاجيها.