صحيفة السوسنة الأردنية

     أصبح من العيب أن يمرّ يوم دون أن نسمع أنّ طبيباً قد ضرب ...من المراجعين ...أو مدرّساً كُسرت ساقه ...أو موظّفاً في دائرة حكوميّة وصل إلى غرفة الإنعاش ...طبعاً لأنّه المواطنيين فشّو كل غلّهم بالحكومة فيه... وكمان جرايم القتل إلّي ما بمرّ إسبوع إلّا وبكون فيه جريمة قتل...ليش يا مواطنّا يا أردني ...؟!  أكيد ظروف الحياة وظغوطها لها دور لكن هذا لا يعني أن تفشّ كل غلّك بمن يسهرون من أجل خدمة الوطن والمواطن ...؟! بالله عليك يا مواطن شو ذنب دكتور بيسهر على راحتك وراحة ولادك ..؟! شو ذنبه إذا الحكومة مش موّفرة لإبنك سرير بالمدينة الطبيّة...؟ وعشان إبنك ما تحوّل...؟ راح فيها فطيس المسكين ...بس كمان شوذنب الدكتور المسكين..؟

روح فشّ كلّ غلّك بالحكومة ...بالله عليكم يا طلاب التوجيهي شو ذنب الأستاز مربّي الأجيال... وصانع المجد إنّه ينهان ويوكل كتله بسبب الأسئلة العقيمة والمنهاج المعقّد ...روحوا فشّوا كل غلكم بالوزارة ....الدوائر الحكوميّة لم تسلم أيضاً من العنف ....يا مواطنّا يا محترم ...شو ذنب موظّف قاعد ورا مكتبه ينضرب  ويتكسّر راسه ..؟! الحقّ مش عليه ..؟ الحق على الوزارة إلّي مأخّرة معاملتك بسبب توقيع .. شو دخل المواطن المسكين  ما هو متله متلك...بيسعى وبكافح عشان رزقه ورزق ولاده ....؟! المواطن المسكين إذا ما لقي حدا يضربه ويفشّ كل غله بالحكومة فيه... بفشّ غلّه بالذبّان المسكين..! خلّي الحكومة الموقّرة ترضى ....؟! إلى متى يا مسلسل العنف أما  آن لنا أن ننتهي...؟! ولم يقتصر العنف على المؤسسات والدوائر الحكوميّة بل إمتد ّإلى ساحات  الصروح العلميّية ...! منارة العلم ... إلى حملة الرسالة..؟!

ساحات الجامعات لم تخلو أيضاً من البلطجة...! طالب يضرب زميله  على قصة بنت لا تسوى فرنكين.. أو بسبب إنّه أخذ دوره  بالباص ...وغيرها من الأسباب التي لا تستحّق أن تذكر .... الأردن تحوّل إلى غابة والمواطنين إلى وحوش مفترسة ينتهش بعضها بعضا ...بسبب الظغط والكبت المتزايد الذي سيولّد الإنفجار...؟! خفّي يا حكومة على المواطنيين شوي ...يعني مثلاً بلاش ترفي أسعار النفط في هاد الإسبوع ...شو بصير لو قدمّتي زيادة 20 دينار على رواتب الموظّفين...؟ ولّا الوزراء أحسن ...؟!.شو بصير لو تركتي المواطن يعبّر عن رأيه شو بصير  لو حمل لافته مكتوب عليها    "ذبحتينا ...يا حكومة  بدنا نعيش " أكيد ما رح نوصل للحريّة  إلّي عند الأجانب  مع إنّه الحريّة سقفها السماء مثل ما قال سيّدنا بس الظاهر إنّه الحريّة سقفها لا يتجاوز سقف البيت الذي تسكنه... لإنّه إذا طرت مع حرّيتك خارج سقف بيتك.. رح يقصولك جناحاتك..؟! ...معلش يا حكومة تحمّلي المواطن شوي مثل ما هو متحمّلك كثير ...؟!! بلاش توصل البلطجة في يوم إلى ساحات رئاسة الوزراء...بعدين لا ينفع مال ولا بنون وما بفيد الندم ... وبكون سبق السيف القلم ...؟!