صحيفة السوسنة الأردنية

شروقي لحن القصيدة وبالقلب مواويل
                 مجبول من طين التعب ودمي لهاليب
مغزول من لهيب النار والمعدن اصيل
              لو حرقتوني غير الوفا ماتلقوابالجيــب
على صفيح النار قلبي يحتدم ويشيل
               بيوم ينحني من هوله الرضيع ويشيب
يوم البزر حنداس والصواري غرابيل
              ولهيب النار بروقن وتومض مشاهيب
تسمع للمدفع دردعة وجيشن عده السيل
               والسما قطران سودا بلون الغرابيــب
الجنوب نار المواجع (ع)الباغي الدخيل
              قروم المجالس هل النخوة والمواجيـب             
رماح الغضب  لن صار خبط المناديــل
             ياما استقبلوا ضيوفهم بالهلا والتراحيب
الاردن مدرسة تربي طيورن ابابيــل
            وصقور لها بجو السما قنص وملاعيــب
مخالبها امحنية بدم المعتدي مساييل
            ابطال الصحرا يذلوا عصيات المصاعيب
سيدنا عبد الله ياراعي الرمح الطويل
           حبيب الشعب والجيش والقاصي الغريب
ملاح السياسة وبالحنكة مالك مثيــل
          تفداك ارواحنا من شباب وفطر وشيــــب
الاردن يافيض البحر لن جرهد الليل
          عندك نشامى يدوسوا على جمر اللهاليب
رضعواالوفا من صدرن ماخالطه غيل
           مثل الشهد المصفى خالي من العذاريـب
عشم وطنا وشوقنا مايحتوج تاويل
           نحرق موارد الشر ومايخيفنا الترهيـــب
السعد فجرن له فجة النور ودليل
           وشتان مابين الضيا والليالي المعاطيــب
ياحي النشامى من جنوبن وتشميل
          وياحي ربعنا من شرق الوطن للمغاريــب
تلفي على دير علا ياريحة النفل والهيل
        زلزال عند الوغى ومن اصحاب المواجيب
رجالن على الشدات وجمالن مــحاميل
         الخيرمن ندى كفوفهم والوادي خصيـــب
يراكبن من عندنا فوق مسفوفة العصاقيل
         تجمح عدها ريم الفلا بروس العراقيـــــب
تلفي على شيوخن بالكرك مابهم بخـــــيل
           وحول على بيت الكساسبة معطرن بالطيب
عش الصقرديوانهم فايحن بالبن والهيل
        وصفردلالهم تسكب لضيوفهم والمعازيــب
ياعزوتي يومن رحى الحرب تقل زلازيل
           ولواعج دروعنا تلامس الارض وتصيب
يوم اسود الليل من ابيضه والنظر يخيل
            عدونا يشوف حجارنا جيشن بتدريــب
خذوني لمذبح الوطن ارتل الشعر ترتيل
          واصلي له ركعتين سنه وانا خوي الذيب
وطنا بالقلب مهو جمر شيشه واراقيل
        ولا هوعلى الراح للي يشربون المشاريب
ولا هو رقاصة تهز خصورها وتميل
          ولا هو شيكن مفتوح ينركن بالجيـــب 
 ولا هو صناعه الصين وتركيا والبرازيل
        ولاهو دشداش خليجي ودسك بحواسيب
ولا بجمسن يعتليها البرجوازي الدخيل
       ولا هو شمة هوا للي يتركون المواجيب
ولا روفر مالكه  نذلن هامل وصلصيل
       ولا وجبه سريعه ياكلها الفاسد الكرنيب      
هذا الوطن هاشمي له بالقلب تباتيل
          ياعذاب الروح لاجله نشتهي التعذيـب
لعزف على الرشاش يوم المنايا سرابيل
          واغنيلك شروقي يرطب الروح ترطيب
نذود عنك لو اقطعوا المدد والمواصيل
          لو الارض نار والسما فوقنا لهاليـــب