ومضات

يا عيد

mainThumb

03-05-2022 06:26 PM

 حين تضيق الحال بالرجال يقولون:                

ياعيد وش جابك على الدار وانا محزون
شفاتن بي ياعيد ولا عندك لي سواليف
ياعيد جبر الخواطر كلها ع خالق الكون
ومادون ربي كل البشر هشت وسواليف
ياعيد بصدري جبالن من الحزن مركون
بعد ماانسرق مني ياعيد اعز المواليف
ياعيد لاتعجب لن شفتني بالحي مجنون
مرن علي ياعيد ليالي فاقت التواصيف
ساكن الحزن ياعيد والحزن بي مسكون
وش تقول للي بعض الايام مايلقى الرغيف
هودل ياعيد ولا تمشي الدرب على هون
لك ربعن امطهمزين وانا حياتي دواليف
البس مرقوع الهدم واشرب دمع العيون
من بعد ماكسر الوقت جنحاني والمجاذيف
ممنونك ياعيد لو تبرح الدار والف ممنون
واياك تحكي للبشر عن دموعي المذاريف
بعض البشر تعاشرهم ولن اقفيت يحكون
وجوه الحرابي لاتصدق لهم ياعيد سواليف 
ولن نخيتهم بالضيق يكذب ويقول ياعون
يخليك وسط اللهب لو جروحك مراعيف
خاوي جيبك ورجلن تعرفه بالطيب مبخون
افعاله تسبق القول وصارمن عده السيف
ياعيد ترى قلبي من مكر المخاليق مطعون
اقرب الناس يلزني على الطور ومواهيف
ياعيد رعى الله ايام اللي كانوا لنا يرعون
خذاهم الموت وماعاد غير ذكرهم والطيف
هذي دنياك بها رمادي الوجه وصافي اللون
وبعظهم اعجز القاله بين المخاليق تصنيف
من بعد ماجد واحمد سمينا جينن وريشون
حتى اسامينا صارت موديلن مالها تعريف
المال ياعيد اللعنه لابو المال وش ملعون
لو كنت عفنن يخليك قرناسن براسن منيف
المال ياعيد يخليك اول الناس حين يمشون
لو كنت وذرن الك اول الفنجان ودلة الكيف
وبالمال تشتري حكامن وباسمك يحكمون  
وتشتري شيخ القبيله والقهوجي والسيف
وتشتري هامان بزمانه وتشتري كل فرعون
تبدلن غزلانها بقرود  ورجالها بخواريف 
هذا زمن كل وبشن ياعيد وزمن كل مطحون
حكم الايام ياعيد وللدهر جولات وتصاريف
مثل ياجوجن وماجوج من كل حدبن ينسلون
كل مية منهم مايقدروا على عشوة الضيف
راع الاوله ياعيد صار بآخر الصف مهيون
مثل قطيع الحي ماله بهذي الميمعه مواليف
 


تعليقات القراء

لا يوجد تعليقات


أكتب تعليقا

لا يمكن اضافة تعليق جديد

إقرأ ايضا

أخبار خفيفة

فنون