صحيفة السوسنة الأردنية

هذه الحكاية ..لا تقصد دولة بعينها ..هذه الحكاية لا تعرف اسماً محدّداً .... واليكم الحكاية ..ورجاءً ما حدا يسب لأني سامع تهمير:

- قال الولد (توتو) إللي عمره طْن?Zعْش?Zرْ سنة للماما : يا ماما ..بدي أصير وزير عربي ..،، ابتسمت الماما و وضعت علبة المناكير جانباً و حضنت طفلها و قالت : لأُدّام شوي يا ماما ..بعد ما تصير تلبس (البنتلون ـ البنطلون) لحالك ..،، صار عمر (توتو) تًسًعْط?Zعْش?Zرْ سنة : فجاء ينطنط : هيه هيه ..لبست (البنتلون ـ البنطلون) لحالي ..يا الله يا ماما بدي أصير وزير عربي،،

توقفت الماما عن (ت?Zمْييْش) شعرها ..وابتسمت وقالت : لسه يا ماما بدري عليك ..بس تصير تعرف تشلحو لحالك . لأُدّام شوي يا ماما.،،

صار عمر (توتو) اثنين وعشرين سنة ..فجاءها يلبس (شورت) والفرح يملأ قسمات وجهه ..رأته الماما ..تركت ملقط حواجبها ..وسألته : وين بنتلونك ـ بنطلونك ..؟؟ ذاب الولد ضحكاً ناعماً وقال : ما أنا شلحتو لحالي .. يا الله : بدي أصير وزير ..،، حضنت الماما ولدها كمان مرّة وشدّت من عزيمته : بدك تصبر ..هلا يا ماما لازم تعرف توكل لحالك .. لأُدّام شوي يا ماما..وبتصير وزير ..،،

صار عمر الولد خمسة وعشرين ..فنادى على الماما من الغرفة الثانية : إلحئي يا ماما إلح?Zئي ..،، تركت الماما (قلم روجها) وتوجهت نحو الولد ..رأته أمام عشرة صحون فارغة ..قالت : والله وكبرت يا توتو وصرت توكل لحالك ..،، فنط الولد (توتو) من الفرح يعني رح أصير وزير ..؟؟ حضنته الماما وهي تمسح (شدوقه) من أثر الكاتش أب ..وقالت : رح تصير وزير.. لأُدّام شوي يا ماما..بس تصير تعرف ترقص ديسكو ..،،

صار عمر توتو ثلاثة وثلاثين سنة.. دخل غرفة الماما وهو يضع (هتفون) في أُذنيه ويرقص ديسكو ..وقال: شوفي يا ماما ..توتو صار (ب?Zت?Zل ـ بطل) الديسكو ..،، نطّت الماما بفرح ..رقصت مع توتو شوية ديسكو بعد ستة أشهر ..صار توتو..،،؟