ليلة مطر

mainThumb

12-03-2022 01:07 AM

تلاقت مزاريب بيوت الطين تصكصك بالبرميل المركي على باب بيتنا... طول الليل وما انقطع للدنيا خيط.. نار الموقدة هربجت وازهر جمرها وسطل المي عالمنصب صار يغلى وصار جاهز للي بده ايغّسل او اللي بدها تجلي... امي نخّلت الطحينات تا تعجن عجنتها.. اتقشمرت ورفعت ردان شرشها للكوع، خمّرت العجنه ولفّتها بجنبّيه تا تخمر ْ.. ارعدت الدنيا  وجابت زاعوق اشتى كسح وبلّش الحيط يحِدر... حطينا تنكه تحت الدلف وتقول انقطع من السما عرِق... بصبصت النار  وقربت تهمد لولا ابوي زحف وجاب من قاع البيت اكمّن قرميّه تا جدد النار.. وتلدّ عهالنار كيف هربجت واجيت تمغطت بجنب هالنارات تا انصلى جنبي وفطيّت من الحمّ مش شايف الضو..
غطّينا رووسنا شوي وراحت بينا نومه وانّه الخطيب بكبّر لصلاة الصبح... شلعنا عالصخانه وعبّينا منها هالمواعين... توضينا وصلينا الفجر وإنها الدنيا قاعده بترّهم تاتثلج، لكن َالدنيا قحيط بتقص المسمار. 
قامت امي شوْطت الصاج وخبزت العجنه شراك تا عبّت المجفيه... قامت العيله كلّها وبريق الشاي عهالجمرات دار يفوّر من زنبعته وننهن شوه شايات مثل عين الغزال..
حطت النا امي جونة رصيع وحمّامية زيت وباطوس مخيظ وهيت عاد لحّق اشراك... افطرنا تا عومد بطن الواحد.. وشوي هيك قامت الدنيااصحت واطلعنا هالطرشات برّا  ضحيّنا بيهن حوالى قريتنا بربع هالعشب.
افجت الدنيا وطلعت زرقة الشمس لكن شمستها مطروده والدنيا بتطحّر بدها تشتي مرة ثانيه...
زرقنا عالسوق اديّنا اطراف من عند اللّحام وبلّشت امي اتحفحف فيه وتشلوطه وما اجا الظهر غير الطراف مركب عالنار... ومع الغروب استوى الطراف وتعشّينا فتّه خبر جافر وكراعين وشخاتير ومصارين وام الظراير والراس وكانت عشوه ما بتنّسى.. وصحة وعافية


تعليقات القراء

لا يوجد تعليقات


أكتب تعليقا

لا يمكن اضافة تعليق جديد

بمناسبة اليوبيل الفضي .. الأردن يكشف عن سلاح استراتيجي جديد

عدد الأردنيين الذين دخلوا السعودية بتأشيرات سياحية بهدف الحج

دول تمنح تأشيرة عند الوصول للأردنيين

مدير الأمن السعودي:هناك جنسية الأكثر مخالفة للحج‬⁩ بتأشيرات سياحية .. فيديو

السوسنة تتبّع رحلةَ هجرةِ الأردنيين إلى أميركا وتكشف تفاصيل مروعةً ووضعًا قانونيًا معقدًا

اليوبيل الفضي:وصول الملك والموكب الأحمر و الـ drone .. بث مباشر

ضبط رجل يسرق أحذية المصلين في أحد المساجد .. فيديو

مطلوب أعضاء هيئة تدريس في جامعة البلقاء التطبيقية

مهم من الضمان بشأن موعد صرف رواتب المتقاعدين

ماذا هتفت الجماهير الأردنية بالدقيقة 25 من مباراة النشامى .. فيديو

الخدمة المدنية:ناجحون في الامتحان التنافسي .. أسماء

موجة حر جديدة تؤثر على الأردن بهذا الموعد

تجاوزت 46 .. مدينة تسجل أعلى درجة حرارة بالمملكة الجمعة

شاهد قوة النيران والدخان باحتراق سيارة كهربائية .. فيديو

إخراج امرأة من بطن ثعبان ضخم ابتلعها في إندونيسيا .. فيديو