صحيفة السوسنة الأردنية

سجّلنا الولد إبن إبني بالمِدرسة، الله يستر عينُه يا خالتي ... هظول شياطين مش ولاد و ما حدا مربّيهِم ، إشترينا زيتون أخضر، الله يستر ما يكون فيه دود يا خالتي، بدي أبعث منهم لبنتي بسعودية، صلّحنا الثلاجة، الله يستر ما يطلب لِمْص?Zلّح قطع إلها زي كل مرّة و أحُط إللي فوقي و إللي تحتي !، صلّحنا جرس إلباب، الله يستر ما يِنِحرِق أو يِِعمل واحد من لسلاك شورت، جوزي صار عنده مدير جديد، الله يستر ما يفنّش جوزي ... بدنا نسدد تالي أقساط البيت و نكمل تعليم لِوْلآد، سيارة إبني خربانِهْ، الله يستر ما يكون الماتور مفرهل.

طرشنا إلدار يا خالتي إلعام، و كلها قبّعـــت، بتعرفلكش طرّيش إبن حلال ؟؟؟خزّان إلميه جِبناه للعِرسان، طِلع مخزوق و ما بيلتحِم... بتعرفلكش إبن حلال يِلِحْمُهْ ؟؟؟.

بِدي أعمل سلطة، إلبندورة إمــا صفره و إمــا خضرة ... و عندي عزومة يا خالتي، و س?Zل?Zفاتي ما بيِرْح?Zمِنّش حدا من لساناتهن. بتعرفلكش خُضرجي إبن حلال ؟؟؟.

أخوي ما حدا من إلدكاترة عارف ل?Zم?Zر?Zضه، صار شايف أربع دكاترِه. بتعرفلكش واحد فهمان إبن حلال ؟؟؟ ظهره بُوجْعُهْ ...

إلنجّار يا خالتي ما عِرِف يركب خزانة، و بدل ما يحط عشر براغي للدرفة حط أربعة، و كل الدرف وِقعت ... وحده مِنهن وقعت عرجلي و صـــرت أعرج من يومها !!!.

لمين أشكي همّي يا خالتي ؟؟؟ أروح عالمخفر ؟؟؟ بالك بِع?Zوْظونـــا ؟؟؟ لويـــن اروح ؟؟؟